Pweng sin Mwet Forfor Luti, Tisacmpuh 2016
Kena in Akacsruhi ke Ma Toasr luhn Kais Sie
Pruhe in lutlutkihn kuhfa se inge ac suk kolyuck in etuh ma in akacsruhi kac.Kahlwem ke srihpac luhn Rilif Sosaiti ac ahkoelah fuhkah tuhlihk muhtwacn nuhtin God nuh ke mwe insewowo ke moul ma pahtpaht uh?
Luhlahlfongi, Sucu, Kahsruh
“Kuht rauniyucklac ke mwet ma enenuh lohacng lasr, ahkkweye lasr, taptap lasr, ahkwo lasr, kuhlwacng lasr,” Prestuhn Thomas S. Monson el fahk. “Kuht pa pahol Leum inge fin facluh, ke masap in kuhlwacnsuhpuh ac tahpuhk tuhlihk Nahtuhl. El epacl nuh sesr kais sie.”1
Prestuhn Henry B. Eyring, Mwet Kahsruh se met ke Prestuhnsi se Met, el fahk: “Eklac na yohk se muhtwacwacack in sikyak insiyom ke kom ilyak nuh ke Lohm Alu uh. Kom oraclah sie olwelah, ac kom eis sie olwelah ma muhtwacwacack in ekuhllah moul in mwet lom. …
“… Kom olwelah lah kom ac kahsruh Leum oruh mwe srenenuh luhn [mwet sahyac] in muhlahlahi ac in ahkwoyeyuck elos. Utuckot kuh nuh sum kom in kuh in kahsruh ahkmuhlahlahye mwe toasr inge ke kom eis mwe sang luhn Nguhn Muhtahl.”2
“Kuht ke orekmakihn kahlwem luhn wosasuc in liye mwet sahyac oacna ke Mwet Lahngo El liye—ke pahkomuhta, finsrak, ac luhngse,” Jean B. Bingham, Prestuhn Luhlahp luhn Rilif Sosaiti el fahk. “Lwen sac ac fah tuhkuh ke ac fah fohnlah kahlwem lasr ke nuhnak loal ac puhla luhn mwet sahyac ac fah srui lah oasr pahkomuhta tuhtahfme nuh sesr—oacna ke kuht tahfwelah nuhnak ac kahs in luhngse nuh sin mwet sahyac.—…
“Ma kunacsr ac pacl wowo lasr in eis nahweyuck ke mwet nuh kwewa ke moniyuck in eklac oacna Mwet Lahngo lasr.”3
Ke kuht akacsruhi ke mwe toasr luhn kais sie ac liyacacng olwelah lasr, kuht ikacslah inkacnek nuh sel Jisus Kraist Elan kuh in unwelah mwet sahyac. Elder Jeffrey R. Holland ke U luhn Mwet Sap Singucul Luo el luti: “Nuhnkuh ke loaliyacn molo ke Misac fin sahkseng ac Iwaclah lal, nga olwelah nuh sum muh El ac fah tiac lihkihnsaci kuht ke pacl se inge. Ke El tuh fahk nuh selos suc suhkahsruhp in nguhn, ‘Fahsru nu yuruk,’ kalmac pa El etuh lah piyac inkacnek in illac ac inkacnek in ilyak nuh lucng. El etuh mweyen El fahsr kac tari. El etuh inkacnek mweyen El pa inkacnek.”4
Ma Suhmuhslah Sahyac
© 2017 sel Intellectual Reserve, Inc. Kuh ac suwohs nuh kwewa fihliyucki.Sihmlac fin acn USA.Ahkkweyeyucklac ke kahs English: 6/17.Ahkkweyeyucklac ke lweng: 6/17. Lwenglah luhn Visiting Teaching Message, December 2017. Kosraean. 97929 868