Klumech er a Oldingel e Olisechakl, Ongeteruich me a Ongerung el Buil 2017
Kongei el Loltekau a Chelngelir a re Bebil
Mosuub er tial tekoi lokiu a nglunguuch e mosiik el mo medengelii a bo mobang lolisechakl.Ng mekera sel klemedengei er a moktek er a Relief Society e kudmekelterir a rengelekel a Dios el redil el kirel a klengeltengat er a diak a ulebengelel klengar?
Klaumerang Telungalek Ngesou
“Kede ileuekl er tirkel lousbech er kid, e melisiich, ungelsuid, el mengelaod, e ou beltik el reng,” ng melekoi a President Thomas S. Monson. “Kid a chimal a Rubak er tial beluulechad, loba ngerachel el mo mesiou e mesebechakl er a Rengelekel. Ngii a ultuil er a dersta me a dersta er kid.”1
President Henry B. Eyring, Kot el Counselor ra Kot el Presidency, a dilu el kmo: “A klou el lomelodech a ulemuchel er a elsel a rengum sera mkot el soiiseb er a Ikelesia. Ke rirelii a telbiil, e kau a ngiluu a telbiil el mlo muchel el melodech er kau. …
“… Kau a tilbir el kmo ke mo olengeseu ra Rubak el loltekau a beredir a [rebebil] mo kebekakl me te mechelaod. Ke ngiluu a klisiich el molngeseu el ngmas a ikel beraod sel mnguu a sengk er a Chedaol Reng.”2
“Ng soad el lousbech er sel llomes er a evangkelio el mesterir a rebebil el di ua Osobel—e loba klechubechub, loureng, ma dmolech el beltik el reng,” ng melekoi a Jean B. Bingham, Relief Society General President. “Sel sils a mei sel kid a nguu a mui el klaudengei ra rengrir a re bebil e mo dmeu a rengud er a klechubechub el modars el me rekid— eldi ua ra doldars a uldasu ra beltik el reng ma tekoi el mora re bebil. …
A ngercheled ma techeled a mo olkebai lolngeseu ra ra rokui el chad sel dolasem elmo uai e a Osobel.”3
Mesel de kaingeseu e loltekau a chelngeled e mengeluoleu a telbiled, e kede mekengii a techall el kirel a Jesus Kristo meng omekungil a rebebil. A Elder Jeffrey R. Holland ra Cheldebechel re Teruich ma terung el Apostol a ulsisechakl: “Domes ersel diak ke desa klungel a oiitel el Kodall ma Tngakireng, E ak yaksok er kemiu Ngii a diak el bol likrid er chelechang. Sel Ngii a kmur er tirkel chebuul ra reng, ‘Mei er ngak,’ Ng belkul a kmo Ngii a medengelii a rael el mo tuobed e Ngii a medengelii a rael el morbab. Ngii a medengelii le Ngii a mla rolii. Ngii a medengelii a rael le Ngii e a rael.”4
Bebil er a Chedaol llechukl
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/17. Kengei er a oidel: 6/17. Oidel a Visiting Teaching Message, December 2017. Palauan. 97932 881