iVaqa ni Veisiko, Janueri 2018
Veitaratara Tiko kei Koya ena Gauna Cava ga, na Vanua Cava se Sala Cava ga
Na siko vuvale e baleta na veiqaravi. O Jisu veiqaravi ena vei gauna ena vanua cava ga. Eda rawa ni da cakava na ka vata oqo.
Meda “veiqaravi” sai koya me solia na veiqaravi, qarava, se na ka me cau kina vakacegu kei na marau ni dua tale. Na siko vuvale e baleta na nomu vaqara na sala mo qaravi ira kina o ira o sikova. O Jisu veiqaravi ena vei gauna—ena vanua cava ga. E a vakania o koya e 5,000, ka vakacegui Meri kei Maca ena gauna leqa kina na ganedrau, ka vakavulica na Nona kosipeli vua na marama ena tobu ni wai. E a cakava qo o Koya ena nona loloma dina.
Na noda muria na Nona ivakaraitaki, o keda na dauveisiko eda na lomani ira vakayadua na marama eda sikova, ka vakananuma ni yavu ni vei ka eda cakava sa ikoya ya na loloma. Ni da masulaka na veivakauqeti me kila na sala me ra qaravi koya ka vukei koya me vaqaqacotaka na nona vakabauta, ni “ko ira na agilosi sega ni tarovi me [noda] itokani.”1
Mai na tauyavu ni iSoqosoqo ni Veivukei ena 1842 ki na gauna oqo, na nodra veiqaravi na marama sa vakalougatataka na bula. Me kena ivakaraitaki, Joan Johnson, e dua na yada yabaki 82, kei na nona itokani ni rau sikova e dua rau vale veitikivi ka sa yabaki 89 ka tauvi niumonia. E rau raica nio wekadrau e sega ni gadrevi rau vakadua dua na vula, ia e rau sa raici koya ena veimacawa vakatamata se vana qiri.
Vei ira tale eso na dausiko vuvale, vakauta e dua na itukutuku se imeli ka solia na veivakayaloqaqataki beka ni ka vinaka duadua me cakava e dua na yalewa ena vula oya. Sema ni torocake tiko ka vakarorogo vei ira ena dua na ivakarau ni loloma sai koya na uto ni siko vuvale. Tekinoloji vovou ka dau veirai mata na veisiko ki na ena vukei keda meda cakava e dua ga na gauna, dua ga na vanua kei na vuqa sara na sala.2 Na veiqaravi vaka i Jisu.
© 2018 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi 6/17. Vakadonui me vakadewa: 6/17. Vakadewa ni Visiting Teaching Principles, January 2018. Fijian. 15045 858