Cov Hluas

Peb Yam uas Yuav Tsum Nco Ntsoov

Muaj lo lus nco ntsoov ntau zaus nyob hauv Phau Ntawv Maumoos. Nifais yaum nws cov tij laug nco ntsoov qhov uas Vajtswv tau cawm lawv cov poj koob yawm txwv. Tus Vaj Ntxwv Npeyamis hais kom nws cov neeg nco ntsoov Vajtswv txoj kev zoo kawg nkaus. Thiab Maulaunais qhia cov uas nyeem ntawv kom lawv nco ntsoov tias tus Tswv muaj siab hlub loj npaum li cas.

Peb yuav tsum Nco ntsoov tus Cawm Seej—peb khi lus tias peb yuav nco ntsoov Nws txhua lub sij hawm peb txais lub cim nco txog. Thawj Tswj Hwm Eyring caw peb nco txog peb yam no thaum peb txais lub cim nco txog:

1. Nco ntsoov Yexus Khetos: Cia li nyeem cov vaj lug kub txog tus Cawm Seej txoj kev pab thiab txoj kev hlub lwm tus. Koj xav li cas txog Nws txoj kev hlub? Koj yuav ua li cas kom ua hauj lwm pab lwm tus thiab hlub lwm tus zoo li tus Cawm Seej?

2. Nco ntsoov txog tej yam uas koj yuav tsum ua zoo dua: Cia li xav txog lub lim tiam tas los nrog ib lub siab uas xav hloov siab lees txim. Cia li xaiv ib qho uas koj hloov tau, thiab sau ntawv cia hais tias koj yuav ua li cas kom ua li ntawd. Cia li tso koj lub hom phiaj no rau ib qho chaw uas koj yuav pom ntau heev.

3. Nco ntsoov tias koj ua zoo npaum li cas: Thov Vajtswv pab koj pom tej yam zoo uas koj tau ua. Cia li sau ntawv txog qhov uas koj lub siab xav li cas.

Peb tsis zoo tag nrho, tiam sis tus Cawm Seej paub qhov ntawd. Yog li ntawd Nws hais kom peb nco ntsoov Nws. Kev nco ntsoov Nws ua rau peb muaj kev cia siab thiab ua rau peb xav ua zoo dua. Txawm yog tej lub sij hawm thaum peb tsis nco txog Nws, Thawj Tswj Hwm Eyring hais tias, “Nws yeej nco ntsoov txog nej.”