Jodikdik ro

Jilu Men n̄an Keememeji

Naan eo keememej ej waļo̧k elōn̄ kōttan ilo Bok in Mormon. Nipai ej kaketak ļōm̧aro jein n̄an keememej Anij ilo an kar kōjparok ro jemeer. Kiin̄ Benjamin ej kajjito̧k ippān armej ro an n̄an keememej em̧m̧an eo an Anij. Im Moronai eaar kōmeļeļeik ritōl ro an n̄an keememej ewi jon̄an an Irooj jouj.

Keememej Rilo̧mo̧o̧r Jisōs Kraist ej aorōk—em̧ool jaar kallim̧ur n̄an keememej E kajjojo iien jej bōk m̧ōttan kwojkwoj eo. Būreejtōn Eyring ej karuwainene kōj n̄an keememej men kein jilu ilo iien kwojkwoj eo.

1. Keememej Jisōs Kraist Riiti jeje ko rekwojarjar kōn elmen an Riļo̧mo̧o̧r eo jerbal im kwaļo̧k iakwe n̄an ro jet. Ekōjkan am̧ en̄jake iakwe eo An? Elmen am̧ jerbal n̄an ro jet im kwaļo̧k iakwe n̄an ro jet āinwot an kar Rilo̧mo̧o̧r eo kōm̧m̧ane?

2. Keememej ta eo kwoj aikuj kōm̧m̧ane n̄an em̧m̧anļo̧k: Kejōkļo̧kjeņ ilo wiik eo ej jemļo̧kļo̧k kōn juon bōro in ukweļo̧k. Kālet juon men komāron̄ ukote, im jeki elmen am̧ naaj kōm̧m̧ane kōkōm̧anm̧anļok jab in, Likut kōtōpar eo am̧ juon jikin eo enaaj emakijkij am̧ loe ie.

3. Keememej eddōkļo̧k eo kwoj kōm̧m̧ane: Kajjitōk ippān Anij n̄an jipan̄ eok loe eddōkļo̧k eo em̧m̧an kwoj kōm̧m̧ani. Ļo̧o̧ke elmen am̧ en̄jake.

Kwojjab wānok, ak Rilo̧mo̧o̧r eo ejeļā menin. Ej unin eo Ej kajjitōk ippād n̄an keememej E. Keememej E ej letok n̄an kōj kōjatdikdik im ej jipan̄ kōj kōņaan em̧m̧anļo̧k. Men̄e jet iien jej likjab n̄an keememej E, Būreejtōn Eyring ej ba, “Ej keememej eok iien otemjej.”