Pedped ko an Katak ko Kōrā ro, Pāpode 2018
Jino Jeļā Kajien Lio im Baam̧le eo An.
Katak ko an Kōrā ej n̄an lukkuun itok n̄an jeļā im iakwe jijtor ro bwe jān maron̄ jipan̄ kakōjoorļo̧k tōmak eo an im lelok jerbal in jipan̄.
Tōmak, Baam̧le, Deeor
Rita Jeppeson im rūkaki in loļo̧k an kōrā eo m̧ōttan rej erom m̧ōttā ro rem̧m̧an ilo aer loļo̧k im kwaļo̧k kōn katak pedped ko an gospel eo. Ak loļo̧k ko aer ej barāinwōt ikkure kōn naan ippān doon. Ej men eo em̧m̧an ippān Rita kōn rūkaki in loļo̧k ro an kōrā kōnke ejeļā rej ro m̧ōttan im loļo̧k eo ejjab juon laajrak in men eo rej “kōkaļļe” ki ļo̧k. Elukkun lōn̄ men ko jijtor remārōn kōm̧m̧ane ilo juon iien loļo̧k, āinwōt etal ilo juon etetal ak kūntak ujooj ko ilo jikin kalib eo ilo an ajri ro ikkure.
Elder Jeffrey R. Holland jān Doulul eo an Jon̄oulruo Rijilōk ro eaar ba, “Lale kwe make āinwōt rijiļo̧k an Irooj n̄an ro nejin. … Jej kōjatdikdik … bwe kwonaaj ejaake m̧wil em̧ool, eddo ko ilo gospel in me reppen n̄an membōr ro, mijōk im lale doon, kakke aikuj ko an jetōb im kanniek ilo wāween ko rekkar n̄an jipan̄.”1
Irooj kōn Moses ej kakien ro nejin Israel bwe “Ruwamāejet eo ej ito-itak ippemi ej n̄an kom̧ āinwōt eo eaar ļotak eoļōpemi, im kwōn iakwe [e] āinwōt kwōj make iakwe eok” (Livitikos 19:34). Sister ro ad loļo̧k emaron̄ katakin “ruwamāejet ro” ilo ad jino jerbal in jipan̄ eo ad, ak ilo ad jino jeļā kajien lio im baam̧le eo an, ikdeleel eo ad enaaj ļapļo̧k “n̄an ineek eddo ko an ro jet, bwe ren maron̄ mera” im bwe “burueer ren kuk ippān doon im ilo iakwe n̄an doon” (Mosaia 18:8, 21).
Reyna I. Aburto, Rikakpilōklōk eo Kein Karuo ilo Būreejtōnji eo Eutiej an Doulul eo an Kōrā ro, keememej ekar jepel im juon membōr kāāl an Kabin in. “Rikaki in loļo̧k ro an kōrā ro aō rekar itok n̄an m̧weo im̧ō,” liin ekar ba’ “im rekar bōktok juon en̄jake in iakwe n̄a būruwō.”2
Ļōmņak kōn Menin
Ilo baam̧le ko an jijtor ro kwoj loļo̧k im katakin, ta m̧akūtkūt ko rej itok wōt im kwoj aikuj jeļā kaki im keememej?
© 2018 jān Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo Kajin English: 6/17. Kōmālim an ukook: 6/17. Ukook eo an Visiting Teaching Principles, February 2018. Marshallese. 15046 874