Yut

Ol Trifala Samting blong Tingbaot

Toktok ia, tingbaot i kamaot fulap taem insaed long Buk blong Momon. Nifae i leftemap tingting blong ol brata blong hem blong tingbaot olsem wanem nao God i bin sevem ol bubuman blong olgeta blong bifo. King Benjamin i bin askem ol pipol blong hem blong tingbaot we God i gudwan tumas. Mo Moronae i bin givim instraksen long olgeta we oli stap ridim buk ia blong tingbaot hamas nao Lod i gat gladhat long ol man.

Blong stap tingbaot Sevya, i wan stamba samting—yumi bin mekem kavenan tu blong tingbaot Hem evri taem we yumi kakae sakramen. Presiden Eyring i stap invaetem yumi blong tingbaot olgeta trifala samting ia long taem blong sakramen:

1. Tingbaot Jisas Kraes: Ridim ol skripja abaot wei we Sevya i bin givim seves mo i bin soem lav long ol narawan. ?Olsem wanem nao yu filim lav blong Hem? ?Olsem wanem nao yu yu save givim seves mo soem lav long ol narawan semmak olsem we Sevya i bin mekem?

2. Tingbaot wanem nao yu nid blong mekem i gud moa: Tingtingbak long wik we i jes pas wetem wan hat we i wantem sakem sin. Jusum wan samting we yu save jenisim, mo raetemdaon olsem wanem nao bae yu kam antap moa long hemia. Putum gol ia long wan ples we bae yu luk oltaem.

3. Tingbaot progres we yu stap mekem: Askem God blong helpem yu blong luk long gudfala progres we yu stap mekem. Raetemdaon olsem wanem nao yu stap filim abaot hemia.

Yumi no stret evriwan, be Sevya i save long hemia. Taswe, Hem i askem yumi blong stap tingbaot Hem. Taem yumi stap tingbaot Hem, hemia i givim hop mo i stap helpem yumi blong kam antap. Iven long ol taem we yumi mestem, we yumi no stap tingbaot Hem, Presiden Eyring i talem se: “Hem, oltaem i stap tingbaot yu.”