Ngeasek

Kldei el Tekoi el bo Dolbedebek

A tekoi el melbedebek a desa el betok el taem ra chelsel a Babier er a Mormon. A Nephi a millekoi ra robekul me lolbedebek ra Dios ra lolsobel ra ruchelir. A King Benjamin a ulengit ra rechedal el mo melbedebek a klungiaol loruul a Dios. Ea Moroni a melekoi ra rechad el menguiu el mo melbedebek ra chubechub ra Dios.

Ng klou a belkul el dolbedebk ra Osobel le kid—a dirrek el tibir el mo melbedebek er Ngii ra bek el sandei sel dolai ra Sakrament. A President Eyring a siotai er kid el mo melbedebek aikal kldei el tekoi sel dolai ra sakrament:

1. Melbedebek ra Jesus Kristo: Monguiu a chedaol llechukl el kirel a Osobel ra losiou e lolecholt ra beltik el reng el mora rebebil. Ke mekerang e melchesuar a beltik el reng er Ngii? Ke mekerang e mesiou e ochotii a beltik el reng el mora rebebil el uaia Osobel?

2. Molbedebek el kmo ke mekerang e lmuut el mo ungil: Molbedebek ra klengar kau ruchei el meral ouchel a rengum. Mngiltii a tal tekoi el sebechem el ngodechii er kau, e mlechesii el kmo ke mekerang e kudmeklii. Mlia ra kmo ngerang el sebechem el di blechoel mesang.

3. Molbedebek a ikel ungil el moruul: Molengit ra Dios el mo ngosukau el mes a ikel ungil moruul. Mluches aikel momelchesiu.

Kid a diak decherrungel, ng di Osobel a medengelii tiang. Seikid a uchul e Ngii olengit er kid el mo melbedebek er Ngii. Sel dolbedebek er Ngii eng meskid a urunguled e ngosukid el soad el mo ungil. Uldimukl a ikel taem el mo diak dolbedebek er Ngii, a President Eyring a melekoi el kmo, “Ngii a di blechoel melbedebek er kid.”