Ip Yohk Luhn Forfor Luti, Mahs 2018
Pruhe ke Kais Sie Tahmtahel ke Inel
Luhngse lasr ac kena in nuhnkuh elos suc kuht forfor luti fah yohkwelihk ke kuht puhsisacl in pruhe ke kais sie tahmtahel yohkna ke inel.
Luhlahlfongi, Sucu, Kahsruh
Ma suhmuhslah uh akacsruhi mwe srihkasrak puhs luhn mukul ac muhtwacn suc pruhe ke mwet sahyac ke ine. Inmahsrlon ma upac yohk inge pa pahpah tuhmwacl Alma Fuhsr. Sie lihpufacn el sramsram nuh sel Alma Fuhsr, fahk nuh sel lah pahpah tuhmwacl, “[el] pruhe ke luhlahlfongi yohk keim tuh kom in fokoko in etuh ke ma pwacye … ; ohinge, ke srihpac se inge nga tuhkuh in kihfucs kom ke kuh ac wal luhn God, tuh pruhe luhn mwet kuhlwacnsap Lal kuh in topukyuck fal nuh ke luhlahlfongi lalos” (Mosiah 27:14).
Pruhe ke kais sie mwet sahyac ikacslah insiyacsr in eis mwe insewowo ma Leum El kena use nuh sesr. “Srihpac luhn pruhe el tiac in ekuhllah kena luhn God, tuh in karihngihn kuht ac mwe insewowo lalos sahyac ma God El olwelah tari in sang, tuh kuht enenuh in siyuck in eis kac.”1
Sie tahmtahel el kapsra lah ke sie pacl upac in moul lal, sie pahng kuh pweng fototo kwacna tuhkuh ke mwet forfor luti se lal ke “yohkna ke pacl lohsr.” Oacna elos in etuh ke pacl el enenuh sie tahpuhkyuck. El etuh lah elos pruhe kacl. Kwewana ke muhtwacta lalos ac lalos sifacna.
“Nuhnkuh ke kuhpahsr kuh lasr fin oasr pruhe pwacye luhn tahmtahel nuhkwewa ke kwewana lututacng ac fong kuh, woiyac, kwacna pruhe oacna ke Leum el sapkihn,” fwackyuck sel Julie B. Beck, Prestuhn mah luhn Rilif Sosaiti.2 Pruhe ke mwet kuht forfor luti ahkkweye kuht kais sie ac oacna muhtwacn Luhlahlfongi ke Lwen-sahflah.
Prestuhn Henry B. Eyring, Mwet Kahsruh Se Met luhn Prestuhnsi Se Met, el fahk: “Pruhe ke innek in etuh ke insiyaclos. … Kom fah enenuh in etuh ma God El kena kom in oruh in kahsrwelos ac in oruh kac kwewa, ke kuhiyom nohfohn, in puhla ke luhngse luhn God nuh selos.”3
© 2018 sin Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/17. Ahkkweyeyucklac ke lweng: 6/17. Lwenglah luhn Visiting Teaching Principles, March 2018. Kosraean. 15049 868