Mibeko ya Mateya ya Botali, Sanza ya Misato 2018

Bosambela mpo na Ndeko mwasi Moko na moko na Nkombo

Bolingo na biso mpo na mpe bofuli na ntina ya baoyo totalaka mpe toteyaka ekomata ntango tomikitisi na losambo mpo na ndeko mwasi moko na moko mingi mingi na nkombo.

Bondimi, Libota, Lisungi

Elilingi

Elembo ya Lingomba ya Bamama Basungi

Makomi ekaboli bandakisa ebele na ntina ya mibali mpe basi oyo basambelaki mpo na basusu na nkombo. Kati na baye bazali minene mingi ezali tata ya Alma Elenge. Anjelu alobaki na Alma Elenge, kolobaka na ye ete tata na ye “asambela[ka] mpo na bondimi mingi na ntina na yo … ; yango wana, mpo ya mwango moye nayei mpo ya kondimisa yo nguya mpe likoki lya Nzambe, ete nsambo ya basali ba ye ikoka koyanolama engebene na bondimi bwa bango.” (Moziya 27:14).

Kosambelaka mpo na moko na moko efungolaka mitema na biso mpo na koyamba mapamboli oyo Nkolo azalaka na mposa ya kopesa biso. “Ntina ya losambo ezali ya kobongola bolingi ya Nzambe te, kasi ya kokangola mapamboli mpo na biso moko mpe mpo na basusu oyo Nzambe asili kolinga kopesa, kasi oyo tosengeli kosenga mpo na ntina ya kozwa.”¹

Ndeko mwasi alobelaki yango na ntango ya eleko ya mpasi na bomoi na ye, libiangi ya telefone to nsango moko ya pete ekomama kowuta na bandeko basi batali batei na ye “mingi mingi na mikolo ya molili.” Bamonisamaki lokola koyeba kaka ntango asengelaki na botomboli. Ayebaki ete basambelaki mpo na ye, nyonso mibale na ntango ya babotali na bango mpe na bango moko.

“Tokanisa na ntina ya bosangisi ya bokasi na biso soki ndeko mwasi nyonso asambeli na bosembo ntongo mpe mpokwa nyonso to, koleka lisusu, asambelaki ntango nyonso lokola etindi Nkolo,” elobaki Julie B. Beck, Mokambi Monene ya kala ya Lingomba ya Bamama Basungi.² Kosambelaka mpo na baoyo totalaka elendisaka biso lokola moko na moko mpe lokola basi Basantu ya Mikolo mya Nsuka.

Mokambi Henry B. Eyring, Mopesi toli ya Yambo na Bakambi ya Yambo, alobaki: “Bosambela mpo na nzela ya koyeba mitema na bango. … Bokosengela koyeba nini Nzambe alingi bino bosala mpo na kosalisa bango mpe kosala yango nyonso, lokola ekokoka bino penepene, koyokaka bolingo ya Nzambe mpo na bango.”³

© 2018 na Intellectual Reserve, Inc. Makoki manso makebisami Ebetami na Etazini. Bondimami ya Angele: 6/17. Bondimami ya bobongoli: 6/17. Bobongoli ya Visiting Teaching Principles, March 2018. Lingala. 15045 639