Mulwol ni Ngan Thapeg, March 2018
Meybil nifan Gubin e Ppin nge moeg Fithingraed
T’uf rodad nge thogthog nifan pi’in ni ma machib ngak ra gelnag napan in ngad meybil ufithik e gum’aen nifan uringin e ppin nge moeg fithingraed.
Mich, Tabinaew, Ayuw
Bay bo’or e susun marunga’agen gidii’ ne kar meybil gad nifan yug bee’ nge moeg fithingraed ulan pi babyor nib thothup. Ta’areb e susun ir chitamangiy Alma nib Wayin. Ba angel nike non ngak Alma nib Wayin, nike yog e chitamang “ya ni [ke] meybil u fithik’ e mich ni fan ngom … ; ere, aray fan ni kugub ni nggu micheg ngom fare gelingin nge mat’won Got, ni nge yog, ni pi meybil ko pi tapigpig rok’ e ngan pii’ e fulweg riy u rogon e mich roraed.” (Mosiah 27:14.).
Meybil nifan dad ma bing gum’ircha’dad ni ngad thapeg fapi to’owath ba’adag Somoel ni ra pii’ ngodad. “Fan ko meybil e gathi ni ra thilyeg e lemnag rok Got, machane nima ayuweg ni ngad thapeged ni fan dad nge reb gidii’ e tawa’ath Got ni ba’adag ni nge pii’, machane thingarda fith ngak ni nge pii’ ngodad.”1
Ta’areb e ppin ke weliy napan e ngiyal’ rok ni bay e magowon, reb e ppin ni visiting teacher rok ke call ngak fa pii’ e text message ulan e “rran nib lumor.” Kad nangfan e ngiyal’ nike bat’uf ayuw. Ke nang kar meybil gow nifan ngak, napan ni kar mada’ gaed nge ngiyal’ ni go’ yow.
“Lemnag marunga’agen gubin gelingdad fa’an urngin e ppin ni ke meybil gubin e kadbul nge neap’ fa, rib mangil, meybil ni dabi tal’ ni boed fare Somoel ni ke chiyliy ngodad,” keyog Julie B. Beck, General Relief Society President nib kafram.2 Meybil nifan pi’in ni ba fil ngak ra gel nagdad nifan dad nge nifan ppin ko Latter-day Saint.
President Henry B. Eyring, Bin Somm’on e Counselor ulan Bin Somm’on e Presidency, ke yog: “Meybil nifan e rogon ni ngam nang e gum’ircha’raed. … T’uf ni ngam nang e ngongol Got ba’adag ni ngam rin’ nima ayuweg raed nge rin’ gubin, chuchugur ko gubin, napan ni thamiy e t’ufeg rok Got ni fanraed.”3
© 2018 rok Intellectual Reserve, Inc. Gubin mabay matwon Kan yoloey u Mariken. Kan micheg nag ko thin nu Ngalis: 6/17. Micheg nag i pilyeg: 6/17. Pilyeg e thin ko Mulwol ni Ngan Thapeg, March 2018 Yapese. 15049 905