Serafo

Ammonata ne Rong Mengungun Kot

Preseten Uchtdorf a awewei ifa usun ewe aewin mettoch Kot a fori mwirin a forata mwan me fefin pwe a kapas ngeniir me ngeniir mirit me kapasen pesepes mi auchea. Sia pwan angei ewe chok feioch non April me October non mwichenapen mwichefen, nupwen souemwenin Mwichefen ra afanafan ngenikich me ngenikich kapasen pesepes minne ewe Samon a mochen sipwe rong.

Oua fen rong mengungun Kot me ren Noun kewe chon angang non mwichenapen mwichefen? Oua fen mefi pwe eu afanafan a ponuweni eu mettoch oua kutta? Non eu kukkun puk, oua tongeni maketiw met a fis me ifa usun a anisikemi. Iwe mwirin ammonata oupwe rong mengungun ewe Samon non ewe mwichenap epwene fis ren ami maketiw ami kapas eis me oupwe kaeo usur non ami anneani pukfel. Iotek ngeni Semach won Nang, tingor oupwe angei ponuwen ami kapas eis me mirit non mwichenapen mwichefen. Nupwen oua ausening ngeni Noun ewe Samon chon angang, oupwe ekieki usun met oua mefi. Met oua kaeo? Met oua mefi pwe oupwe siwini manauemi? Maketiw met oua mefi pwe ena ewe Ngun a kapas ngenikemi!

Fansoun meinisin oupwe chechemeni pwe Semach won Nang a tongeikemi me epwe emwenikemi won ewe aan mi pung. Nupwen oua achocho oupwe rong mengungun me ren Noun chon angang, oupwe feioch me angei pochokun.