Poraus seni ewe Aewin Presetensi, March 2018
Ewe Kapasen Kot ngeni Noun Semirit
Seni Preseten Dieter F. Uchtdorf
Aruemonun Chon Aninnis non ewe Aewin Presetensi
Ekkewe pukfen ra aitikich pwe ewe aewin mettoch Kot a fori mwirin a forata mwan me fefin a kapas ngeniir.1 Mi wor mirit me kapasen pesepes mi auchea an epwe ngeniir. Ese mochen an epwe osukosuker are pwe repwe aurek nge a mochen emweniir ngeni pwapwa me ning esemuch.
And that was just the beginning. From that day to this, God has continued to communicate with His children. His words have been preserved, treasured, and studied by disciples of every generation. They are revered by those who seek to know the will of God, and they bear witness to the truth that “the Lord God will do nothing, but he revealeth his secret unto his servants the prophets.”2
A fen iei usun napanapan seni ewe nepoputan fansoun, me ewe napanap a soposopono tori ikenai. Esap chok eu tutunap seni ewe Paipen; iei ifa usun Kot a uwei an kapas ngeni Noun kewe semirit. A finita aramas seni unukuch, a kokkorir ar repwe wisen soufos, me a ngeniir ekkewe kapas repwe apasa, minne kich sipwe angei usun ita a feito seni pwisin awan.3 Ewe Samon a fen apasa pwe ika a feito seni An mengungu are mengungun noun kewe chon angang, mi nonno chok.4
Iei eu nein ekkewe porausen ewe Niwinsefan mi ennetin ning, me awora pochokun me apinukunuk—Kot ese fanafanano! A tongei Noun kewe semirit. Ese nikitikicheno ach sipwe fetan non rochopwak.
Fan ru iteiten ier, non April me October, sia tufichin rong mengungun ewe Samon me ren Noun kewe chon angang non ach kewe mwichenapen mwichefen.
Ua pwisin pwarata pwe fansoun ngangatam me mwen emon chon afanafan non mwichenapen mwichefen a tota ngeni ewe rong, a fen ennetin achocho, iotek, me kaeo fan iten wisan an epwe afanafan. Iteiten afanafan non mwichenap a feito seni chommong awa ren ammon me sio fiti ennetin netip ar repwe weweiti met ewe Samon A mochen Noun kewe Souneng repwe rong.
Met epwe fis ika kich chon ausening sia pwan fiti ekkewe chon afanafan ren ach pwisin ammon? Ifa usun ach ammonata ngeni mwichenapen mwichefen epwe siwin ika sia weweiti pwe mwichenap mi eu tufich ach sipwe angei afanafan seni ewe Samon Pwisin? Ren kapas me kon non mwichenapen mwichefen, sia tongeni angei ponuwen ach kewe kapas eis are osukosuk minne sia kuna non manauach.
Ika ka fen ekieki ika Semach won Nang epwe ennetin kapas ngonuk, upwe achema ngonuk ekkewe kapas mi mecheras nge mi watte wewen minne nouch kewe semiritin Kinter mi konu: “[En] emon noun Kot, a [tiniuketo] ikei.” An popun An epwe anisuk om kopwe “nom [ren] eu ran.”
Ika oua feito ngeni Semach won Nang usun emon Noun semirit, oua tongeni tingorei I ren ennetin netipemi, “Emmweniei, ewinaiei, o fitiei, anisiei kutta ewe an, aitiei mettoch meinisin mi pung.” Epwe kapas ngenikemi me ren Noun Ngun mi Fel, iwe a pwisin nonnom remi ami oupwe “fori netipan.” Ua pwon pwe ika oua fori, “epwe [efeiochukemi].”5
Emwen seni ewe Samon mi auchea ikenai usun chok non unusen uruon fonufan. Nupwen sia ammonata ach sipwe rong kapasen ewe Samon, amo ita sipwe ennetin kuta ewe Ngunun ennet pwe nupwen ewe Samon a kapas me ren Noun chon angang, sipwe weweiti, angei pochokun, me pwapwa fengen.6
Ua pwarata pwe nupwen sia fori ekkei mettoch, asamen enn esap poracho ngenikich, me ewe Samon Kot epwe asuno pochokunen rochopwak me mwach me achechechi nang fan itan ach sipwe feioch, me An ning.7
© 2018 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/17. Kapungunon awewen: 6/17. Chiaku seni First Presidency Message, March 2018 Chuukese. 15049 901