Mbabun

Yɛreyɛ Ahoboa Etsie Nyankopɔn Ne Ndze

President Uchtdorf kyerɛkyerɛ mu dɛ Nyankopɔn bɔɔ ɔbarimba na ɔbaa ekyir no dza Odzii kan yɛe nye dɛ Ɔkasaa kyerɛɛ hɔn na Ɔmaa hɔn nkyerɛkyerɛ na nsɛm a ɔsombo. Yenya dɛm nhyira noara bi wɔ Ebɔbira na Ɔbɛsɛ wɔ wiadze mfɛndzanan ehyiadzi ber mu, ber a Asɔr baanodzifo kasa kyerɛ hɛn na wɔma hɛn afotu a Ewuradze pɛ dɛ yɛbɛtse.

Ana edua No nkowaa do atse Nyame ne ndze pɛn wɔ wiadze mfɛndzanan ehyiadzi ber mu a? Ana enya atsenkã bi pɛn dɛ nsɛm a wɔkãa no mu kor bi ayɛ nyiano bi a ahwehwɛ a? Ibotum akyerɛw dɛm sũahu no ho nsɛm wɔ wo journal mu na mbrɛ osii boaa wo. Nkyii kyerɛw nsɛmbisa binom a ewɔ na fayɛ ahoboa dɛ ibɛtse Ewuradze Ne ndze wɔ ehyiadzi a ɔreba yi mu na sũa ho nsɛm wɔ wo kyerɛwsɛm adzesũa ber mu. Bɔ mpaa ma Ɔsor Egya, bisa nyiano na nkenyan nhumu wɔ ehyiadzi ber mu. Ber a iritsie Ewuradze no nkowaa no, tsim wɔ nkenyan pɔkyee binom do. Ebɛnadze na esũae? Isii dɛn nyaa nkenyan atsenkã dɛ sesã? Kyerɛw dɛm nkenyan horow no osiandɛ ɔyɛ Sunsum no na Ɔrekasa kyerɛ wo no!

Kaa daa dɛ Ɔsor Egya dɔ wo na ɔbɛma wo kwankyerɛ a ɔtsen. Ber a iper dɛ ibetsie Ne ndze edua No nkowaa mu no, wobehyira wo na enya ntowdo.