Agtutubo

Panagsagana a Dumngeg iti Timek ti Dios

Ilawlawag ni Presidente Uchtdorf no kasano a ti umuna a banag nga inaramid ti Dios kalpasan ti panagparsuana iti lalaki ken babai ket nakisao kadakuada ken inikkanna ida kadagiti napapateg a pakaammo ken pangiturong. Magun-odtayo dayta kasta met la a bendision iti Abril ken Oktubre kabayatan ti sapasap a komperensia, no agsarita kadatayo dagiti leader iti Simbaan ket ikkandatayo iti balakad a kayat ti Apo a denggentayo.

Nangngeganyo kadin ti timek ti Dios babaen dagiti katulonganna kabayatan ti sapasap a komperensia? Nariknayo kadin kas iti maysa a nalawag a mensahe a nangted kadakayo iti sungbat a sinapsapulyo? Iti journal, mabalinyo nga isurat dayta a padas ken no kasano a natulongannakayo daytoy. Kalpasanna agsaganakayo a dumngeg iti timek ti Apo iti daytoy nga umay a komperensia babaen ti panangisuratyo kadagiti adda a saludsodyo ken panagadal kadagitoy kabayatan ti panagadalyo iti nasantuan a kasuratan. Agkararagkayo iti Nailangitan nga Ama, nga idawdawat nga umawatkayo kadagiti sungbat ken nalawag a pannakaawat kabayatan ti komperensia. Bayat ti idedengngegyo kadagiti katulongan ti Apo, agpokuskayo kadagiti bukod a parikna. Ania ti nasursuroyo? Ania ti nariknayo a makaparegta a balbaliwan? Isuratyo dagita a parikna gapu ta makisarsarita kadakayo ti Espiritu!

Laglagipenyo a kanayon nga ay-ayatennakayo ti Nailangitan nga Ama ken tarabayennakayonto iti umno a turongen. Bayat ti panangikarigatanyo a dumngeg iti timekna babaen dagiti katulonganna, mabendisionan ken dumur-askayonto.