Mwet Fuhsr

Ahkolah in Lohng Puhsrwen God

Prestuhn Uchtdorf el ahkuhtweyac lah ma se met ma God El oruh tukun El orwaclah mukul ac muhtwacn pa sramsram nuh selos ac sang mwe fahkwack sacohk ac mwe lutlut. Kuht eis mwe insewowo sacn pacna ke Eprel ac Ohktohpa ke pacl in toeni luhlahp uh, ke pacl se mwet kol luhn Alu uh ahkkahlwemye ac use kahsruh nuh sesr ma Leum El ke kuht in lohng.

Kuh kom nuh lohng puhsrwen God sin mwet kuhlwacnsap Lal ke toeni luhlahp uh? Kuh kom nuh puhla muh sie pweng usot nuh sum top kom suk kac? Ke sie puk in sihm, kom kuh in suhmuhslah ohiyac sacn ac lah kahsrwe kom fuhkah. Na ahkolah in lohng puhsrwen God ke toeni se fahsruh inge ke suhmuhslah kihsensiyuck oasr sum ac lutlut kac ke kom luti ma suhmuhslah. Pruhe nuh sin Pahpah Lucng, siyuck in eis top ac nuhnak ke pacl in toeni uh. Ke kom lohng mwet kuhlwacnsap luhn Leum, lohacng nuh ke moklweyuck luhn kais sie. Meac kom lotwelah? Kom puhlah moklweyuck fuhkah in eklac? Suhmuhslah kihsensiyuck ingacn mweyen Leum pa sramsram nuh sum ingacn!

Kwacna esam lah Pahpah Lucng El luhngse kom ac fah kol kom ke innek pwacye. Ke kom kampare in lohng Puhsrwacl yurin mwet kuhlwacnsap Lal, kom fah ahkinsewowoyeyuck ac eklac.