Jodikdik ro

Maanjabpopo n̄an Ron̄jake Ainikien Anij

Būreetjōn Uchtdorf ej kōmeļeļeik elmen men eo m̧oktata Anij eaar kōm̧m̧ane ālkin kōm̧anm̧an m̧aan im kōrā eaar kōnono n̄an er im kar leļo̧k n̄an er meļeļe im katak ko raorōk. Jej būki ejja kōjeraam̧m̧an in ilo Eprōļ im Oktoba ilo kweilo̧k eo eļap, n̄e ritōl ro an Kabun̄ rej kōnono n̄an kōj im letok n̄an kōj kapilōk eo me Irooj ekōņaan bwe jen ron̄.

Kwonan̄in ke ron̄ ainikien Anij jān ro Rikarejeraņ ilo kweilo̧k eo eļap? Kwonan̄in ke kar en̄jake juon ennaan ejjejet kar lewaj uwaak eo kwaar pukoti? Ilo juon jōnōļ, komaron̄ je en̄jake in im elmen an kar jipan̄ eok. Innām m̧aanjapopo n̄an ron̄jake ainikien Irooj ilo kweilo̧k in ej itok ilo am̧ je kajjitōk ko am̧ im ekkatak jeni ilo iien am̧ riiti jeje ko rekwojarjar. Jar n̄an Jemedwōj Ilan̄, kajjitōk n̄an bōk uwaak ko im en̄jake ko ilo kweilo̧k eo. Ilo am̧ ron̄jake ro rikarejeraņ Irooj, pedped ioon im̧we ko. Ta eo kwaar ekkatak? Elmen am̧ kar en̄jake im̧we n̄an oktak? Je im̧we ko bwe Jetōb ej kōnono n̄an eok!

Iien otemjej keememej bwe Jemedwōj Ilan̄ ej iakwe eok im enaaj tōl eok ilo iaļ eo ejim̧we. Ilo am̧ kajjieon̄ n̄an ron̄jake Ainikien jen ro Rikarejeraņ, kwonaaj jeraam̧m̧an im m̧ōņōņō.