Minahal nga mga Ginikanan,

Dear Parents

Sa sayong bahin sa tingpamulak niadtong 1820, si Joseph Smith nag-ampo ug nakakita sa Langitnong Amahan ug ni Jesukristo. Kini nga magasin naghisgut mahitungod niana nga espesyal nga panahon. Ania ang pipila ka pahina nga angayng tan-awon:

• Usa ka istorya sa hulagway nagsulti kon sa unsang paagi ang Gipahiuli nga Simbahan parte sa plano sa Dios (H4–10).

• Si Presidente Nelson naghisgot kon sa unsang paagi kita makatabang sa Pagpahiuli (H2).

• Usa ka bag-ong kanta nagtudlo mahitungod sa Unang Panan-awon (H16–17).

• Usa ka istorya nagtudlo kon sa unsang paagi ang Pagpahiuli makapanalangin sa atong mga pamilya (H20–21).

Dili ba nindot nga kita maapil sa Ang Simbahan ni Jesukristo sa mga Santos sa Ulahing mga Adlaw? Atong ipaambit ang maayong balita ni Jesus ug sa Iyang Simbahan ngadto sa kalibutan!

Malipayong Pasko sa Pagkabanhaw,

Ang Higala

Unsaon sa Pagpadala sa Artwork o Kasinatian sa Inyong mga Anak ngadto sa Liahona

Adto sa liahona.ChurchofJesusChrist.org ug i-klik ang “Submit an Article or Feedback.” O i-email kini kanamo sa [e-mail] uban sa ngalan, edad, siyudad nga gipuy-an sa inyong anak, ug kini nga pamahayag sa pagtugot: “Ako, [isukip ang imong ngalan], mohatag og pagtugot sa Ang Simbahan ni Jesukristo sa mga Santos sa Ulahing mga Adlaw sa paggamit sa gisumiter sa akong anak diha sa mga magasin sa Simbahan, sa mga website sa Simbahan, ug sa mga platform sa social media, ug posible sa ubang mga materyal sa Simbahan.” Naghinam-hinam kami nga makadungog gikan kaninyo!

© 2020 pinaagi sa Intellectual Reserve, Inc. All rights reserved

Pangitaa ang Liahona nga gitago sa sulod!