iTukutuku e Veivula ni Me iSakisaki ni iTabagone , Feperueri 2021

Au na kila vakacava niu rogoca na domo ni Turaga ena noqu bula?

Sa sureti keda tu o Peresitedi Russell M. Nelson meda “vakasamataka vakatitobu ka vakavuqa” na sala eda rogoci Jisu Karisito kina ka “kalawa yani meda rogoci Koya vakavinaka cake ka vakalevu sara” (“‘O Dau #Rogoci Koya Vakacava? ’ Veisureti Bibi,” Feb. 26, 2020, blog.ChurchofJesusChrist.org).

Eda rawa ni rogoci Koya mai na ivolanikalou kei na nodra vosa na parofita. Ia esega ni ilutua ga na rogoci se wiliki ni veivosa oya. A vakamacalataka na Turaga ki vua na Parofita o Josefa Simici:

“Ni sa domoqu ka vosataka [na veivosa oqo] vei kemudou; ni sa solia vei kemudou ena Yaloqu … ;

“O koya, dou sa rawa ni vakadinadinataka ni dou sa rogoca na domoqu” (Vunau kei na Veiyalayalati 18:35–36).

Me kena ikuri, noda vakasaqara meda rogoci Koya e sega ni da cakava vakasauri. Tukuna o Peresitedi Nelson, “E taura edua na igu kei na sasaga tudei” (“Rogoci Koya,” Epe. 2020 koniferedi raraba [Vosa Vakaviti se Liaona, Me 2020, 89]).

Ni o vuli, masumasu, sokalou, veiqaravi, ka talairawarawa ki nai vunau ni Turaga, ena vakalougatataki iko o Koya ena Yalona, na Veisorovaki i Jisu Karisito, ena veisautaki iko. O na qai kila ni o rogoca na Domona.

© 2021 mai na Intellectual Reserve, Inc. Dodonu kece e taqomaki Tabaki e Amerika. Vakadonui me vaka-Valagi: 6/19. Vakadonui me vakadewataki: 6/19. Vakadewa ni Monthly For the Strength of Youth Message, February 2021. Fijian. 17464 858