Molaetsa wa Friend wa Kgwedi le kgwedi, Tlhakole 2021

Jeso O ne a Kolobediwa

Ka Kim Webb Reid

Thuto ya ga Johane wa Mokolobetsi

Ditshwantsho ka Apryl Stott

Johane wa Mokolobetsi e ne e le moporofeti yo mogolo. O rutile batho go ikwatlhaya mme a ba kolobetsa.

Johane wa Mokolobetsi a kolobetsa

Ka letsatsi lengwe Johane o ne a kolobetsa batho mo Nokeng ya Jorotane. Jeso a tla mme a kopa Johane go Mo kolobetsa. Johane o ne a itse gore Jeso o ne a sena dibe. Jalo ke eng Jeso a ne a batla go kolobediwa?

Jeso Keresete

Jeso o rile O ne a tlhoka go obamela tsotlhe tsa ditaelo. Go kolobediwa ke taelo.

Johane wa Mokolobetsi a kolobetsa Jeso

Morago ga Johane a sena go kolobetsa Jeso, lephoi la tla go supa gore Mowa o o Boitshepo o ne o le teng koo. Lentswe la ga Rara wa Legodimo la tswa kwa legodimong, le re, “Yo ke Morwaake yo ke mo ratang, yo Ke mo itumelelang” (Matheo3:17).

rre le morwadi kwa kolobetsong

Re ka obamela ditaelo le go itshenkela go kolobediwa, jaaka Jeso. Ke gone re ka tlhomamisiwa mme ra nna le neo ya Mowa oo Boitshepo.

Tsebe ya go Taka

Ke Lebogela Mmele wa Me

tsebe ya go taka

© 2021 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya Thanolo: 6/19. Thanolo ya Molaetsa wa Friend wa Kgwedi le kgwedi, Firikgong 2021. Puo. 17464 763