Mahlwem Nuhke Kuh luhn Mwet Fuhsr Mwe Fahkwack, Mahs 2021.

Tuhtahfma luhn Fwackyuck

Sel Elder Quentin L. Cook

Sin U luhn Mwet Sap Singucul Luo

Quentin L. Cook

Ma ke sramsram se ke toeni luhlahp ke Eprel 2020

Mwet Pahluh Joseph Smith el fihlfihl in eis fwackyuck. Fwackyuck puhs ma eisyuck sel Mwet Pahluh Joseph ah ahkoeyucklac nuh sesr oasr ke Doctrine and Covenants.

In tahfwelah, kuht insewowo ke tuhtahfma luhn fwackyuck sin mwet pahluh lasr suc moul ke elos pa “lwemlwem mwet karihngihn luhn Leum suc lweyucklac in sramsram Aholuhl.”¹

Fwackyuck lac sifacna pac lah ma nuh sin elos nuhkwewa suc mongfihsrwacsr in suk kolyuck sin Leum. El yohk srihpac oacna fwackyuck ma palyeiyuck uh.

Fwackyuck lac sifacna muh tuhkuh ke ma pwacye muhtahl eisyuck sin Nguhn Muhtahl. Nguhn Muhtahl uh pa mwet in ahkkahlwemye ac fahkwelihk ke ma pwacye, yohkiyacna kacn Mwet Lahngo sacn. Fin wacngihn Nguhn Muhtahl, kuht tiac kuh in arlac etuh lah Jisus pa Kraist. Orekma yohk srihpac Lal pa in fahkwack kacl Pahpah ac Wen ac sifen ine Lalos ac wolacna Lalos.

Nga ahkkweye kom lah kolyuck ke mwe fwackyuck inge kuht kais sie kuh in eis ke kuht orekma mongfihsrwacsr ke imac luhn Leum.

Nga sisyucwi in kwacfe pac kais sie sesr in suk tuhtahfma luhn fwackyuck in kol kuht ke moul lasr uh ac in ukwe Nguhn ke kuht alu nuh sin God Pahpah ac Mwet Lahngo lasr, Jisus Kraist.

Ke Moul Lom

Lwemlwem: sollac, srihsrngiyucki, ac ituckyang wal

Ahkkahlwemye ac Ahkpwacye: sie sin mwet ma kahsrwekom in etuh ac kahlwem ke ma pwacye.

Orekma yohk srihpac: in karihngihn ma muh e tuhkuh pacl fahsruh

Kom eis fuhkah fwackyuck?

© 2021 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, March 2021. Kosraean. 17466 868

Mwe Kahsruh

1. Hugh B. Brown, “Joseph Smith among the Prophets” (Sixteenth Annual Joseph Smith Memorial Sermon, Logan Institute of Religion, Dec. 7, 1958), 7.