“Jisus Kraist el Siyuck Sesr in Eis Kuhfa Luhn Leum,” Liahona, Mahs 2021
Mahlwem Nuhkwewa Liahona Sramsram ke, Mahs 2021
Jisus Kraist el Siyuck Sesr in Eis Kuhfa Luhn Leum
Kuht ahknwacsnwacsyeyucklac ac onweyucklac ke kuht Esamuhl Mwet Lahngo lasr ke kais sie wik.
Luht Suhpa, sel Carl Heinrich Bloch
Meet liki El misac, Jisus Kraist el kanglah mongo sahflah se pahngpahng Luht Suhpa. Ke sahflahiyacn mongo se Lal inge, El ahkkahlwemye kuhfa luhn Leum nuh Selos suc fahsr Tohkohl. El ip srihsrihkiyac puhret ac ahkkinsewowoyelah. “Oruh ma inge in Esamyuc,” El fahk (Luk 22:19). El sifilpac ahkinsewowoyelah kuhp in wine ac kihtwaclihk.
Ekihn Wik in Alu Nuhkwewa
Ke Alu Lal Jisus Kraist el fohlohkyak nuh fin fwacluh, kuhfa luhn Leum orekmakihnyuck ke wik in alu nuhkwewa. Ke pacl in alu, kuhfwa luhn leum el ahkinsewowoyeyucklac ac pahsiyuck sin elos suc sruok pristut. Elos puhruhe orekmakmaihn kahs ke ma suhmuhslah (liye Moroni 4; 5). Na kais sie ke tuhkweni ke alu ah kang puhret ac nihm kof in esamuhl Jisus Kraist ac Iwaclah Lal, inkacnek se El siyuck sesr in oruh uh.
Petsac sel Angela Suitter
Ahkolah in Ipeis
In ahkolah in eis kuhfa luhn Leum, kuht enenuh in suwohs in nuhnkuh ke moul lasr uh ac sulwaclah lasr uh. Kuht enenuh in auliyak ke tahfonglac ac ma koluk ke wik se somlah, oacyacpac siyuck sin God ke nuhnak muhnahs. Kuht tiac enenuh in suwohs in eis kuhfa luhn Leum, tuhsruhk insiacsr in mongfihsrwacsr.
Puhruhe Getsemane, sel Del Parson
Yohk Na Puhret ac Kof
Eis kuhfa luhn Leum el muhtahl, ke pacl muhtahl. Puhruhe ke kuhfa luhn Leum ahkkacsmakihnye kuht lah ke kuht eis puhret ac kof, kuht esam mahno ac srah ma Jisus Kraist el use nuh sesr. Kuht olwelah in Ukwacl ac moulkihn moul in Kristin. Kuht olwelah in srihke in karihngihn masap luhn God. In fohlohk, Nguhn Muhtahl e tuhfah ahkkweye, kol, ac onwe kuht.
Ahksasucye Wuhlweacng
Ke kais kuhtuh sesr suc ma pacptaislac eis kuhfa luhn Leum ke insiac nwacsnwacs, kuht ahksasucye wuhlweacng kuht oraclah ke kuht pacptaislac ah. Ma inge wi pacna in eis Nguhn Muhtahl ac ahknwacsnwacsyeyucklac ke ma koluk fin kuht sifilpac pacptaislac. Pa inge finsrak ac nuhnak muhnahs Jisus el use nuh sesr kais sie. Tiac na kuh in pahtlac in auliyak ac in nuhnak muhnahs.
Lah Kuht Kwewa Esamuhl Pacl Nuhkwewa, sel Gary L. Kapp, sahp in tiac kapi
Meac Ma Suhmuhslah Fahk ke Kuhfa Luhn Leum?
Kuht enenuh in liyekuhtyang sifacna ke ip luhn nguhn, suwohs in liye komyang, meet liki eis kuhfa luhn Leum (liye 1 Met Korint 11:28).
Tukun el Sifil Moulyak, Jisus el ahkkahlwemye nuh sin mwet Macrike lah e ituck fuhkah kuhfa luhn Leum (liye 3 Nephi 18).
Mwet Pahluh ke pacl sac fahk nuh sesr kuht in orekmakihn puhret ac kof nuh ke kuhfa luhn Leum, tuhsruhk ma kuht kang ac nihm tiac arulwacna elyah (liye Doctrine and Covenants 27:2). Kuhtuh pacl uh nuh sin elos suc allergic enenuh in orekmakihn puhret ma tiac orekmakihnyuck yohk mwe ahkmongo.
© 2021 sin Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuhke Monthly Liahona Message, March 2021. Kosraean. 17464 868
Luht Suhpa, sel Carl Heinrich Bloch; petsac se ke muhtwacn fuhsr se puhruhe sel Angela Suitter; Puhruhe Getsemane, sel Del Parson; Lah Kowos Kwewa Esamyuc ke Pacl Nuhkwewa, sel Gary L. Kapp, sahp tiac kapi