“Yesu Klisto Asengaki na Biso Kozwa Elambo,” Liahona, Sanza ya misato 2021
Etinda Liahona Sanza ya misato 2021
Yesu Klisto Asengaki na Biso Kozwa Elambo
Topetolami mpe tobikisami ntango tokundoli Mobikisi na biso poso na poso.
Elambo ya Nsuka, na Carl Heinrich Bloch
Yambo Akufaki, Yesu Klisto aliaki bilei moko ya nsuka ebengamaki Elambo ya Nsuka. Na nsuka ya bilei oyo, Alakisaki elambo na balandi na Ye. Abukaki limpa mpe apambolaki yango. “Sala oyo na bokundoli na ngai,” Alobaki (Luka 22:19). Nsima Ye apambolaki mpe akabolaki nkeni ya vino.
Eteni ya Losambo ya Poso na Poso
Ntango Eklezia ya Yesu Klisto ezongisamaki na mabele, elambo ekomaki eteni ya losambo ya poso na poso. Na ntango ya eklezia, elambo epambolami mpe ekabolami na baoyo bazali na bonganganzambe. Basambeli na kosalelaka maloba uta na makomi (tala Moroni 4; 5). Na nsima moto moko na moko kati na lingomba akolia limpa mpe akomele mayi mpo kokundola Yesu Klisto mpe mbeka na Ye mpo na biso, lolenge Asengaki biso kosala.
Foto na Angela Suitter
Kolengelaka mpo na Kokabola
Mpo kokoka na kozwa elambo, tosengeli na bosembo nyonso kokanisa na ntina na bomoi mpe maponi na biso. Tosengeli kobongwana na mabunga mpe masumu ya poso eleki, kutu kosengaka Nzambe mpo na bolimbisi. Tosengeli kobongo nie te mpo na kozwa elambo, kasi mitema na biso misengeli komikitisa.
Losambo na Getesemane, na Del Parson
Koleka Mpenza Limpa mpe Mayi
Kozwa elambo ezali ntango ya bule, ya esantu. Losambo ya elambo ekundoli biso ete ntango tozwi limpa mpe mayi, tozali kukondola nzoto mpe makila Yesu Klisto apesaki mpo na biso. Tolaki kolanda Ye mpe kobika bomoi ya boklisto. Tolaki komeka kobatela mitindo na Nzambe. Na bozongi, Molimo Mosantu akolendisa, akokamba, mpe akobikisa biso.
Kozongisa Mayokani Sika
Ntango baoyo ya biso baoyo babatisami balie elambo na motema peto, tozongisi sika liyokani tosalaki na libatisi. Kutu tozwi Molimo Mosantu mpe topetolami na lisumu lokola tobatisamaki lisusu. Oyo ezali elikya mpe ngolu Yesu apesi na moko na moko na biso. Ezali ata mokolo moko bobele nsima mpenza te mpo kobongwana mpe kolimbisama.
That Ye Do Always Remember Me, na Gary L. Kapp, may not be copied
Makomi Eteyi nini na ntina na Elambo?
Tosengeli tomitala bisomei na molimo, na bosembo mpenza kotalaka na motema, yambo ya kozwa elambo (tala 1 Bakolinto 11:28).
Nsima Ye asekwaki, Yesu alakisaki bato na Ye na mikili ya Amerika lolenge nini kozwa elambo (tala 3 Nefi 18).
Baprofeta ya sika bayebisi biso kosalela limpa mpe mayi mpo na elambo, kasi oyo tolei to tomeli esali solo solo eloko te (tala Malongi mpe Mayokani 27:2). Ntango mosusu baoyo bazali na banzoto oyo eboyaka bilei basengeli kosalela eloko mosusu lokola limpa.
© 2021 na Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, Sanza ya misato 2021. Lingala. 17464 000
Elambo ya Nsuka, na Carl Heinrich Bloch; photograph of young woman praying na Angela Suitter; Prayer at Gethsemane, na Del Parson; That Ye Do Always Remember Me, na Gary L. Kapp, may not be copied