1 Oyo ezali lolenge nini bampaka mpe banganganzambe bapesaki mosuni mpe makila ya Yesu Klisto epayi na eklezia; mpe basalelaki yango engebene na mitindo ya Klisto; yango wana toyebi ete lolenge yango ezali solo; mpe mpaka to nganganzambe asalelaki yango—

2 Bafukamaki na nse elongo na eklezia, mpe basambelaki Tata, na nkombo ya Klisto, kolobaka:

3 O Nzambe, Tata ya Seko, tozali kosenga yo na nkombo ya Mwana na yo, Yesu Klisto, opambola mpe osantisa limpa oyo mpo na milimo ya baye nyonso oyo bakokamata yango; mpo ete bakoka kolia na bokundoli ya nzoto ya Mwana na yo, mpe batatola yo, O Nzambe, Tata ya Seko, ete balingi kokamata likolo na bango nkombo ya Mwana na yo, mpe komikundola ye ntango nyonso, mpe kobomba mitindo oyo apesaki bango, mpo ete bakoka ntango nyonso kozala na Molimo na ye elongo na bango. Amene.