Yesu Klisto

Klisto (liloba ya lokota ya Bamwela) mpe Masiya (liloba ya lokota ya Ebele) elingi koloba “mopakolami.” Yesu Klisto azali Mobotami ya yambo ya Tata na molimo (Ebe. 1:6; Mal&May 93:21). Azali Mobotami se Moko ya Tata na mosuni (Yoan. 1:14; 3:16). Azali Yehova (Mal&May 110:3–4) mpe akulisamaki kala liboso na libiangi na Ye oyo ya monene liboso ete mokili ekelama. Na nse ya bokambi ya Tata, Yesu akelaki mabele mpe biloko nyonso likolo na yango (Yoan. 1:3, 14; Mose 1:31–33). Abotamaki na Malia na Beteleme, azalaki na bomoi oyo ezanga lisumu, mpe asalaki bomikabi ebonga nie mpo na masumu ya bato nyonso na kosopaka makila na Ye mpe kopesaka bomoi na Ye likolo ya ekulusu (Mat. 2:1; 1 Nef. 11:13–33; 3 Nef. 27:13–16; Mal&May 76:40–42). Asekwaki uta na bakufi, boye akomisaki bosekwi ya bato nyonso na nsuka solo. Na nzela ya Bomikabi mpe Bosekwi ya Yesu Klisto, baoyo bazali koyambola uta na masumu na bango mpe batosi mitindo ya Nzambe bakoki kozala na bomoi ya seko elongo na Yesu Klisto mpe Tata (2 Nef. 9:10–12; 21–22; Mal&May 76:50–53, 62).

Yesu Klisto azali ekelamo ya monene koleka bikelamo nyonso bibotama likolo ya mabele oyo. Bomoi na ye ezali ndakisa ya bobongi nie ya lolenge kani bato nyonso basengeli kozala. Sambo, mapamboli, mpe makuli ya bonganganzambe nyonso masengeli kosalema na nkombo na Ye. Azali Nkolo ya bankolo, Mokonzi ya bakonzi, Mokeli, Mobikisi, mpe Nzambe ya mabele mobimba.

Yesu Klisto akoya lisusu na nguya mpe nkembo mpo na koyangela nkoto ya mibu likolo ya mabele. Na mokolo ya nsuka, Akosambisa bato nyonso (Alma 11:40–41; JS—Mat. 1).

Bokuse ya bomoi na Ye (na bolondani ya makambo)

Bililingi to bilembo ya Klisto

Bomonani ya Klisto nsima ya kufa

Kokamata nkombo ya Yesu likolo na biso

Kozala ya Klisto yambo na mbotama

Likoki

Litatoli epesami na ntina ya Yesu Klisto

Masakoli na ntina ya mbotama mpe liwa ya Yesu Klisto

Mosambisi

Moto ya Eklezia

Ndakisa ya Yesu Klisto

Nkembo ya Yesu Klisto

Nkoto ya mibu ya boyangeli ya Klisto