Nauvoo, Illinois (USA)

Engumba oyo etongamaki na Basantu ya Mikolo ya Nsuka na mobu 1839 na ekolo ya Illinois. Ezwami na ngambo ya Mississippi River, penepene ya kilometele 320 na monana ya mai uta na Saint Louis.

Mpo na minyokoli oyo ekweyaki na ekolo ya Missouri, Basantu bakendaki penepene na kilometele 320 na nordi esti, kokatisaka Mississippi River, mpe kati na Illinois, wapi bamonaki makambo malamu koleka. Na nsuka, Basantu basombaki mabele ya mpembeni na engumba Commerce oyo etombwamaki naino te. Mabele oyo ezalaki mpenza esobe ya potopoto bobele na bandako ya minene na motango moke. Basantu bakawusaki mabele mpe batongaki bandako ya bango. Joseph Smith amemaki libota na ye na ndako ya moke ya mabaya. Nkombo ya engumba Commerce ebongolamaki na Nauvoo, na lolenge ya liloba ya Ebele kolimbolaka “kitoko.”

Biteni ebele ya Malongi mpe Mayokani bikomamaki na Nauvoo (Mal&May 124–129; 132; 135). Bayebisaki Basantu kotonga tempelo na Nauvoo (Mal&May 124:26–27). Batongaki tempelo mpe babongisaki makonzi ya Siona liboso ete babimisama uta na bipayi ya bango na mobu 1846. Lokola eyano na monyokoli oyo Basantu batikaki esika yango mpe babandaki mobembo na bango mpo na westi.