Nefi, Mwana mobali ya Nefi, Mwana mobali ya Elamani

Buku ekomamaki na Nefi, mwana mobali ya Nefi, kati na Buku ya Mormon. Mikapo 1–10 milakisi bokokisami ya masakoli na ntina ya boyei ya Nkolo. Elembo ya mbotama ya Klisto epesamaki; bato bayambolaki; kasi nsima bazongelaki nkuna. Na nsuka ekumbaki, boningani ya mabele, mipepe ya kaina, mpe bobebi bonene eyebisaki liwa ya Klisto. Mikapo 11–28 ezali kokundola boyei ya Klisto na Amerika. Oyo ezali eteni ya katikati mpenza ya buku ya 3 Nefi. Mingi ya maloba ya Klisto makokani na masakoli na ye oyo ekomami na Biblia (ndakisa, Mat. 5–7 mpe 3 Nef. 12–14). Mikapo 29–30 ezali maloba ya Mormon na bikolo ya mikolo ya nsuka.

Buku oyo ezali bobele na milongo ya kotanga ntuku minei na libwa, nyonso na mokapo moko, nzokande ezali kolobela makambo ya penepene ya mibu nkama misato ya mambi ya kala ya Banefi (Mibu 34–321 ya Mobu ya Nkolo). Nkola ebele ya bakomi, kotangaka mpe Nefi, basengisamaki na lisolo ya makomi yango. Milongo 1–19 ezali koyebisa ete nsima ya boyei ya mosekwi Klisto Banefi mpe Balamani nyonso babongwanaki na nsango malamu. Kimia, bolingo, mpe boyokani eyangelaki. Bayekoli Banefi basato, baye Klisto apesaki nzela ya kotikala likolo ya mabele kino boyei na ye ya mibale (3 Nef. 28:4–9), basalelaki bato. Nefi atikaki makundoli na mwana mobali na ye Amosa. Milongo 19–47 ezali lisolo ya makomi ya mosala ya Amosa (mobu 84) mpe oyo ya mwana mobali na ye (mobu 112). Na 201 ya Mobu ya Nkolo, lolendo ebandaki kobimisa mikakatano na kati ya bato, baoyo bakabwanaki bango moko kati na mangomba mpe babandaki baeklezia ya lokuta mpo na kozwa mbano (4 Nef. 1:24–34).

Milongo ya kotanga ya nsuka ya 4 Nefi milakisi ete bato bazongaki lisusu na nkuna (4 Nef. 1:35–49). Na 305 ya Mobu ya Nkolo, Amosa mwana mobali ya Amosa akufaki mpe ndeko na ye ya mobali Amaloni abombaki masolo ya makomi ya bule nyonso mpo na bobateli malamu. Nsima Amaloni apesaki masolo ya makomi yango na Mormon, oyo akomaki makambo mingi ya ntango ya bomoi na ye moko mpe ayeisaki yango mokuse (Morm. 1:2–4).