Yobo

Ata kutu buku yango ezali kolobela mpasi ya Yobo, na mobimba ezali kopesa eyano te na motuna mpo na nini Yobo (to moto mosusu) akoki koyoka mpasi mpe kobungisa libota mpe bozwi na ye. Buku yango emonisi polele ete kozala na mitungisi elingi te kaka koloba mpenza ete moto asumuki. Nkolo akoki kosalela mitungisi mpo na kopesa mayele ya kosala, kosembola, kolakisa mpe kopesa etumbu (Mal&May 122).

Buku yango ekoki kokabolama na biteni minei. Mikapo 1–2 ezali boyingisi na lisolo. Mikapo 3–31 ezali kotanga molongo ya masolo kati na Yobo mpe baninga na ye basato. Mikapo 32–37 ezali na maloba ya Elihu, moninga ya minei, oyo akweisi Yobo mpo na ntina mosusu oyo ezali te ya baninga basato ya yambo. Mikapo 38–42 misukisi buku na kopesaka elikya na Yobo ete botamboli na ye na bomoi ezalaki malamu uta na ebandeli.

Buku ya Yobo eteyi ete soki moto azali na boyebi ya malamu ya Nzambe mpe azali kotambwisa bomoi oyo endimami na Nzambe, ebongi malamu atia molende na mikakatano oyo ekoya likolo na ye. Bondimi ya solo ya Yobo emonisami na maloba ya kokamwa lokola “Ata kutu abomi ngai, nakotiela ye motema” (Yob. 13:15). Yobo atangami lisusu na Ejekiele 14:14; Yakobo 5:11 (Biblia); Malongi mpe Mayokani 121:10.