Mobeko ya Mose

Nzambe apesaki mibeko na ndako ya Yisalaele na nzela ya Mose mpo ete mitiama na esika ya mobeko monene oyo bakokaki te kotosa (Esod. 34; BJS, Esod. 34:1–2; BJS, Dut. 10:2 [Bobakisi]). Mobeko ya Mose ezalaki na mabongisi, misise, milulu, ndulu, mpe bilembo mingi mpo na kokundola bato na ntina ya misala mpe mikumba na bango. Ezali lisusu na mobeko ya mibeko mpe misala ya boponi kati na bolamu mpe mabe, etamboli ya malamu, eyamba mpe na nzoto—kotangaka mpe botumbi mbeka (Lew. 1–7)—oyo ezalaki na ntina ya kosalisa bango kokundola Nzambe mpe mosala na bango epayi na Ye (Mos. 13:30). Bondimi, boyamboli, libatisi na mai, mpe bolimbisi ya masumu ezalaki kati na mobeko yango, lokola ezalaki Mibeko Zomi mpe mibeko mingi misusu mitali boponi bolamu na mabe mpe etamboli ya moto ya motuya monene. Mingi ya milulu ya mobeko ekokisamaki na liwa mpe Bosekwi ya Yesu Klisto, oyo bosekwi etiaki nsuka na mbeka na kosopaka makila (Alma 34:13–14). Mobeko mosalemaki na nse ya Bonganganzambe ya Alona mpe ezalaki nsango malamu ya bolengeli mpo na komema baoyo bakangamaki na yango epayi ya Klisto.