Mokolo ya Saba

Mokolo mosantu oyo etiami mpembeni mposo nyonso mpo na bopemi mpe bokumbameli. Esilaki Nzambe kokela biloko nyonso, Ye apemaki na mokolo ya sambo mpe atindaki ete mokolo moko ya poso nyonso ezala mokolo ya bopemi mpo na kosalisa bato bakundola Ye (Esod. 20:8–11).

Liboso ya Bosekwi ya Klisto, bandimi ya Eklezia basalelaki kotosa mokolo ya nsuka ya poso lokola Saba, Bayuda basalaki mpe lolenge moko. Nsima ya Bosekwi, bandimi ya Eklezia, ezala Bayuda to baoyo bazali Bayuda-te, batosaki mokolo ya yambo ya poso (mokolo ya Nkolo) mpo na kokundola Bosekwi ya Nkolo. Lelo Eklezia ezali kokoba kotosaka mokolo moko mposo nyonso lokola mokolo mosantu ya Saba na oyo wapi kokumbamela Nzambe mpe kopema uta na misala ya mokili.

Saba ezali kokundola bato makambo matali mposa na bango ya koleisa molimo mpe mosala mosengami na bango ya kotosa Nzambe. Ntango ekolo ezali kokola na kozangaka bokebi na kotosaka Saba, biteni nyonso ya bomoi bikobeba mpe bomoi ya eyamba ya ekolo yango ekobebisama (Nehem. 13:15–18; Yil. 17:21–27).