Boyokani ya Kala

Nkoma ya baprofeta ya kala oyo basalaki na nse ya bopusi ya Molimo Mosantu mpe baoyo na ntaka ya bikeke mingi batatolaki na ntina ya Klisto mpe mosala na Ye na ntango ezalaki koya. Ezali lisusu na lisolo ya makomi moko ya mambi ya kala ya Abalayama mpe eboto na ye, kobandaka na Abalayama, mpe liyokani, to litatoli, oyo Nkolo asalaki na Abalayama mpe bana na ye.

Babuku mitano ya yambo ya Boyokani ya Kala ekomamaki na Mose. Ezali Genese, Esode, Lewitiko, Mituya, mpe Dutelonome. Genese elobeli ebandeli ya mabele, bato, minoko, mabota, mpe ebandeli ya ndako ya Yisalaele.

Buku ya mambi ya kala eyebisi makambo ya Yisalaele. Buku oyo ezali Yosua, Basambisi, Luta, 1 mpe 2 Samwele, 1 mpe 2 Mikonzi, 1 mpe 2 Ntango, Ejela, Nehemia, mpe Esetele.

Buku na makomi ya ntoki ezali na ndambo ya bwania mpe nkoma ya baprofeta. Ezali Yobo, Nzembo, Masese, Mosakoli, Nzembo ya Solomo, mpe Kolela.

Baprofeta bakebisaki Yisalaele na ntina ya masumu na ye mpe batatolaki na ntina ya mapamboli oyo eyaka uta na botosi. Basakolaki na ntina ya boyei ya Klisto, oyo asengelaki komikaba mpo na masumu ya baye bayambolaka, bazwaka makuli, mpe kotia nsango malamu na misala. Babuku ya baprofeta ezali Yisaya, Yilimia, Ejekiele, Danyele, Hosea, Yoele, Amosa, Obadia, Yona, Mika, Nahumu, Habakuku, Sefania, Hagai, Zekalia, mpe Malaki.

Mingi koleka ya babuku ya Boyokani ya Kala ekomamaki na lokota ya Ebele. Ndambomukie ya nkoma ezali na lokota ya Alamaika, lokota loko lobelemi na Ebele.