Bobongoli ya Joseph Smith (BJS)

Botaleli lisusu malamu soki te bobongoli ya Emoniseli ya Biblia na Mokonzi Yakobo na lokota ya Angele, boye Profeta Joseph Smith abandaki na sanza ya motoba ya mobu 1830. Atindamaki na Nzambe mpo na kosala bobongoli mpe atalaki yango lokola libiangi na ye lokola profeta.

Atako Joseph asilisaki mingi koleka ya bobongoli yango penepene na sanza ya sambo ya mobu 1833, akobaki kino liwa na ye na mobu 1844 kosala mabongisi wana ezalaki ye kolengela makomi na maboko mpo na kobimisa buku. Atako abimisaki buku ya boko ndambo ya bobongoli yango na ntango ya bomoi na ye, ekokaki kosalema ete mbongwana ya kobakisama etiama soki azalaki na bomoi mpo na kobimisa buku mobimba. Eklezia Eyebana ya Yesu Klisto ya Basantu ya Mikolo mya Nsuka ebimisaki buku ya yambo ya bobongoli boye bofulami ya Joseph Smith na 1867. Basili kobimisa emoniseli ebele ya buku uta ntango wana.

Profeta ayekolaki makambo mingi na ntango ya bobongoli. Biteni ebele ya Malongi mpe Mayokani bindimamaki mpo na mosala oyo ya bobongoli (ndakisa Mal&May 76; 77; 91; mpe 132). Lisusu, Nkolo apesaki Joseph malakisi ya sikisiki mpo na bobongoli, oyo ekomamaki kati na Malongi mpe Mayokani (Mal&May 37:1; 45:60–61; 76:15–18; 90:13; 91; 94:10; 104:58; 124:89). Buku ya Mose mpe Joseph Smith—Matai, oyo etiami kati na Liyaka ya Ntalo Monene, izwamaki semba uta na Bobongoli ya Joseph Smith.

Bobongoli ya Joseph Smith bozongisaki makambo ya polele mpe ya motuya oyo ebungaki uta na Biblia (1 Nef. 13). Atako ezali te Biblia epesami na bakonzi ya Eklezia, bobongoli boye ezali kopesa boyebi ya ntina mingi mpe ya mozindo mpe bozali na motuya mpenza na kososolaka Biblia. Ezali lisusu moko litatoli ya libiangi mpe mosala uta na Nzambe ya Profeta Joseph Smith.