Yuda

Libota ya Yuda ekamataki bokambi nsima ete bafanda na Kanana. Mbanda na ye mpenza ezalaki libota ya Efelaima. Mose apambolaki libota ya Yuda (Dut. 33:7). Nsima ya boyangeli ya Solomo, libota ya Yuda ekomaki bokonzi ya Yuda.

Na boyangeli ya Lehobama biyangeli ya Solomo bikabolanaki na bokonzi mibale ya kokabwana, mingi mingi mpo na zuwa kati na mabota ya Efelaima mpe Yuda. Bokonzi ya sudi, to bokonzi ya Yuda, kozwanaka na kati ya libota ya Yuda mpe ndambo monene ya libota ya Benyamina. Yelusaleme ezalaki mboka mokonzi na yango. Na mobimba etikalaki sembo na kokumbamela Yehova koleka bokonzi ya nordi. Yuda efungwamaki mingi te na kobundisama uta na nordi mpe esti, mpe nguya ya monene koleka etikalaki na maboko ya libota ya Dawidi kino bokangemi ya Babiloni. Bokonzi ya Yuda emekaki kozala mibu 135 nsima ya bokwei ya mokonzi oyo ayebanaki mpe azalaki na nguya koleka ya bokonzi ya Yisalaele.

Oyo ezali kolobela Biblia lokola lisolo ya makomi ya ndako ya Yuda (Ejek. 37:15–19). Na mikolo ya nsuka, ntango bitape ekeseni ya ndako ya Yisalaele ekosangana, masolo ya makomi na bango ya bule makosangisama lisusu esika moko. Masolo ya makomi ezali kokokisama moko na moko mpe masali litatoli oyo eyeisami se moko ete Yesu azali Klisto, Nzambe ya Yisalaele mpe Nzambe ya mabele mobimba (BJS, Gen. 50:24–36 [Bobakisi]; 2 Nef. 3; 29).