Bobakami na ekulusu

Lolenge ya bobomi moto na Baloma, boye bosalemaki mingi na ntango ya Boyokani ya Sika, na boye moto yango atiamaki na kufa na kokangisamaka singa to kobetamaka maboko mpe makolo na ye sete na ekulusu. Ezalaki mbala mingi kosalema bobele na bawumbo mpe babomi ya mpamba mpamba. Bobakami na ekulusu ebandaka mbala mingi na kobetama fimbo to kopisolama (Mal. 15:15). Moto oyo azalaki kobakama na ekulusu asengisamaki mbala mingi komema ekulusu na ye moko na esika ya bobomi (Yoan. 19:16–17). Mbala mingi bilamba na ye ezwamaki na basoda baye bakokokisa mokano (Mat. 27:35). Ekulusu ekundamaki na mabele ete makolo ya moto yango mazalaki bobele sentimetele ntuku motoba to ntuku misato likolo ya mabele. Ekulusu ekengelamaki na basoda kino moto oyo azali likolo ya ekulusu akufa, oyo ezalaki ntango esusu kozwa kino mikolo misato (Yoan. 19:31–37).

Yesu Klisto abakamaki na ekulusu mpamba te lingomba ya bato bazangi bondimi bafundaki Ye na lokuta lokola moto ya kotiaka bokabwani na botomboki epayi ya Kaisalia mpe mpo na botuki mpamba te Alobaki Azali Mwana ya Nzambe. Nzambala moko ya motane (Yoan. 19:2), motole moko ya nzube, mpe mafinga masusu malobelamaki na Yesu (Mat. 26:67; Mal. 14:65).