Biblia

Bosangisami ya nkoma ya Baebele mpe Baklisto oyo ezali na bimoniseli ya bonzambe. Liloba biblia elingi koloba “Babuku.” Biblia ezali mosala ya baprofeta mingi mpe mosala ya bakomi baye bafulamaki kokoma na nse ya bopusi ya Molimo Mosantu (2 Pet. 1:21).

Biblia ya Baklisto ezali na bokaboli mibale, oyo eyebani mingi mingi lokola Boyokani ya Kala mpe ya Sika. Boyokani ya Kala bozali na buku ya makomi oyo bazali kosalela na kati ya Bayuda ya Filisita na ntango ya mosala ya kufa ya Nkolo. Boyokani ya Sika bozali na nkoma oyo ezali ya eleko ya Bapostolo mpe etalami lokola kozalaka na bosantisi mpe likoki lokola makomi ya Bayuda. Buku ya Boyokani ya Kala ezwami uta na nkoma ya bana mboka kotandamaka na bikeke mingi mpe ekomamaki penepene na mobimba na lokota ya Ebele, nzokande buku ya Boyokani ya Sika ezali mosala ya nkola moko mpe ekomamaki na lokota ya Bamwela.

Kati na Boyokani ya Kala liloba boyokani etiami na esika ya liloba ya Ebele kolimbolaka “liyokani.” Liyokani ya Kala ezali mobeko oyo epesamaki na Mose ntango Yisalaele eboyaki litondi ya nsango malamu oyo bato ya Nzambe bazalaki na yango uta ebandeli ya bokufi. Liyokani ya Sika ezali nsango malamu lokola eteyamaki na Yesu Klisto.

Kati na Biblia ya Ebele (Boyokani ya Kala) babuku ekabolamaki na maboke misato: Mobeko, Baprofeta, mpe Nkoma. Biblia oyo bazali kosalela na mokili ya Baklisto etiaki babuku engebene na masolo ezwami na kati lokola mambi ya kala, makomi ya ntoki, mpe masakoli.

Babuku ya Boyokani ya Sika ezali mingi na molongo oyo: Nsango malamu minei mpe Misala; Mikanda ya Paulo; Mikanda ya Yakobo, Petelo, Yoane, mpe Yude; mpe Emoniseli ya Yoane.

Eklezia ya Yesu Klisto ya Basantu ba Mikolo mya Nsuka ezali kokumisa mpe komemia Biblia mpe endimi solo lisusu ete Nkolo azali kokoba kobakisa bimoniseli na nzela ya baprofeta na Ye na mikolo ya nsuka oyo ezali kosunga mpe komonisa solo lisolo ya biblia ya makambo ya Nzambe na bato nyonso.