Lewi

Yakobo apambolaki Lewi mpe eboto na ye (Gen. 49:5–7, 28). Eboto ya Lewi esalaki kati na bandako esantu ya Yisalaele (Mit. 1:47–54). Alona azalaki Molewi, mpe eboto na ye bazalaki banganganzambe (Esod. 6:16–20; 28:1–4; 29). Balewi bazalaki kosunga banganganzambe, bana mibali ya Alona (Mit. 3:5–10; 1 Mik. 8:4). Bazalaki ntango mosusu kosalela lokola babeti ya miziki (1 Nta. 15:16; Nehem. 11:22); bato babomaki nyama ya mbeka (2 Nta. 29:34; Ejela 6:20); mpe na nyonso bazalaki kosunga kati na tempelo (Nehem. 11:16). Balewi babulisamaki na mosala ya Nkolo mpo na kosala makuli mpo na bana ya Yisalaele. Balewi babonzamaki bango moko mpo na bana ya Yisalaele (Mit. 8:11–22); boye bakomaki bato ya Nzambe ye moko, baye bapesamaki epayi na Ye na esika ya mobotami ya yambo (Mit. 8:16). Bazalaki bato babulisami te kasi basukwamaki mpo na lotomo ya bango (Mit. 8:7–16). Bazalaki te na mabele ya kosangola libula kati na Kanana (Mit. 18:23–24), kasi bazalaki kozwa moko na zomi (Mit. 18:21), bingumba ntuku minei na mwambe (Mit. 35:6), mpe makoki ya kozwa makabo ya bato na ntango ya lipati (Dut. 12:18–19; 14:27–29).