Limoni ya Yambo

Bomonani ya Nzambe Tata mpe Mwana na Ye Yesu Klisto epayi ya Profeta Joseph Smith kati na ya zamba ya banzete.

Na eleko ya milona ya mobu 1820, Joseph Smith Mwana azalaki na mobu na ye ya zomi na mitano. Azalaki kofanda na libota na ye na engumba ya penepene na Palmyra, New York. Mosika te na westi ya epayi efandaki libota ezalaki na ya zamba moko ya banzete enene. Joseph akendeki na esika oyo mpo na kosambela Nzambe mpe mpo na koyeba Eklezia nini ezalaki semba. Atutisamaki motema wana etangaki ye na Biblia ete asengeli kosenga eyano wana uta na Nzambe (Yak. 1:5–6). Lokola eyano na losambo na ye, Tata mpe Mwana na ye bamonanaki epayi na ye mpe bayebisaki ye kosangana na moko te kati na baeklezia ya ntango wana likolo ya mabele, mpo ete nyonso ezalaki na libunga (JS—Mambi ya Kala 1:15–20). Likambo ya bule oyo efungoli molongo ya makambo oyo makomema Bozongisi ya nsango malamu mpe Eklezia ya solo ya Klisto.