Mbeka

Na mikolo ya kala, mbeka elimbolaki kokomisa eloko songolo esantu to moto moko mosantu. Esili kolimbola sikawa likambo ya kotika to kopesa nzela ya kobungisa biloko ya mokili mpo na Nkolo mpe bokonzi na Ye. Bandimi ya Eklezia ya Nkolo basengeli kozala na bolingi ya kobonza biloko nyonso lokola mbeka epayi ya Nkolo. Joseph Smith ateyaki ete “eyamba oyo esengisaka bandimi kobonzela biloko nyonso te ezali ata moke te na nguya ekoki mpo na kobimisa bondimi esengeli mpo na kopesa bomoi mpe lobiko.” Na kotalaka na mosika oyo ekoki kosalema na boseko, mapamboli oyo ezwami na komibonzaka lokola mbeka ezali minene koleka eloko nyonso oyo moto atiki.

Esilaki Adama mpe Eva kobenganama libanda ya Elanga ya Edene, Nkolo apesaki bango mobeko ya botumbi mbeka. Kati na mobeko oyo ezali na botumbi mbeka ya mobotami ya yambo ya bitonga na bango. Mbeka oyo elimbolaki mbeka esengelaki kopesama na Mwana Mobotami se Moko ya Nzambe (Mose 5:4–8). Esaleli oyo ekobaki kino liwa ya Yesu Klisto, oyo etiaki nsuka na mbeka ya nyama lokola moko ya bokuli ya nsango malamu (Alma 34:13–14). Kati na Eklezia lelo bandimi bazali kolia elambo ya lipa mpe mai na bokundoli ya mbeka ya Yesu Klisto. Bandimi ya Eklezia ya Klisto lelo basengisami kopesa mbeka na motema moko mobukana mpe molimo ya mawa (3 Nef. 9:19–22). Oyo elingi koloba ete bazali bato na bomikitisi, bayamboli, mpe bato na bolingi ya kotosa mitindo ya Nzambe.