Nefi, Mwana mobali ya Lehi

Kati na Buku ya Mormon, mwana mobali ya sembo ya Lehi mpe Salia (1 Nef. 1:1–4; 2:5). Nefi azalaki na bondimi makasi na liloba ya Nzambe (1 Nef. 3:7) mpe akomaki profeta monene, mobateli ya lisolo ya makomi, mpe mokambi ya bato na ye.

Azalaki moto ya botosi mpe asambelaki na bondimi, 1 Nef. 2:16.
Azongaki na Yelusaleme kokamata bapalaki ya motako, 1 Nef. 3–4.
Azongaki na Yelusaleme komema libota ya Yisamaele na esobe, 1 Nef. 7.
Azwaki limoni se moko oyo Lehi azwaki, 1 Nef. 10:17–22; 11.
Amonaki kati na limoni ntango ekoya nsima ya bato na ye mpe bozongisi ya nsango malamu, 1 Nef. 12–13.
Alimbolaki limoni ya nzete ya bomoi, 1 Nef. 15:21–36.
Abukaki litimbo na ye kasi na nzela ya bondimi akokaki kozwa bilei, 1 Nef. 16:18–32.
Atongaki masuwa mpe asalaki mobembo na mboka elakelama, 1 Nef. 17–18.
Banefi mpe Balamani bakabwanaki, 2 Nef. 5.
Apesaki litatoli ya nsuka, 2 Nef. 33.

Buku ya 1 Nefi

Mikapo 1 kino 18:8 mitali likambo ya profeta Lehi mpe libota na ye kolongwaka na Yelusaleme. Batambolaki na nzela ya esobe ya mpamba kino bakomaki na mbu. 1 Nefi 18:9–23 elobeli mobembo na bango na mboka elakelama, lokola etindamaki na Nkolo, atako botomboki ya Lamani mpe Lemuele. Mikapo 19–22 ezali koyebisa ntina oyo Nefi abombaki masolo ya makomi (1 Nef. 6; 19:18)—kondimisa banso mpo na kokundola Nkolo Mosikoli na bango. Atangaki Yisaya (1 Nef. 20–21) mpe alimbolaki etinda ya Yisaya, na elikya ete banso bakoki koya koyeba Yesu Klisto lokola Mobikisi mpe Mosikoli na bango (1 Nef. 22:12).

Buku ya 2 Nefi

Mikapo 1–4 ezali na boko mateya mpe masakoli ya nsuka ya Lehi liboso na kufa na ye, kozwanaka mpe mapamboli likolo ya bana mibali na ye mpe biboto na bango. Mokapo 5 ezali kolimbola mpo na nini Banefi bakabwanaki uta na Balamani. Banefi batongaki tempelo, bateyaki mobeko ya Mose, mpe babombaki masolo ya makomi. Mikapo 6–10 ezali na maloba ya Yakobo, elenge ndeko ya mobali, leki ya Nefi. Yakobo ataleli malamu mambi ya kala ya Bayuda mpe asakolaki na ntina ya Masiya, ndambo ya oyo ezwamaki uta makomi ya profeta Yisaya. Na mikapo 11–33 Nefi akomaki litatoli na ye ya Klisto, litatoli ya Yakobo, masakoli ya mikolo ya nsuka, mpe mikapo ebele uta na buku ya Yisaya kati na Boyokani ya Kala.