Mobotami ya yambo

Na ntango ya bankoko ya kala, mwana mobali mobotami ya yambo azalaki na ekoki ya mbotama (Gen. 43:33) mpe boye asangolaki libula ya bokambi ya libota nsima ya liwa ya tata. Mobotami ya yambo asengelaki kozala moto oyo alongobani mpo na kokamata mokumba oyo (1 Nta. 5:1–2) mpe akokaki kobungisa ekoki na ye na kozangaka bosembo.

Na nse ya mobeko ya Mose, bazalaki kotala mobotami ya yambo lokola kozalaka ya Nzambe. Mwana mobali mobotami ya yambo azwaka makabo mbala mibale ya bozwi ya tata na ye (Dut. 21:17). Nsima ya liwa ya tata na ye, azwi mokumba ya kobokola mama na ye mpe bandeko basi na ye.

Nyama ya mobali oyo ebotami ya yambo ezali lisusu ya Nzambe. Nyama ya peto epesamaki mpo na botumbi mbeka, nzokande nyama ya mbindo ekokaki kosikolama to kotekama soki mpe kobomama na nkolo na yango (Esod. 13:2, 11–13; 34:19–20; Lew. 27:11–13, 26–27).

Mobotami ya yambo azali elembo ya Yesu Klisto mpe ya mosala na Ye na mabele, kokundolaka bato ete Masiya monene akoya (Mose 5:4–8; 6:63).

Yesu azalaki mobotami ya yambo kati na bana ya milimo ya Tata na biso ya Lola, Mobotami se Moko ya Tata na mosuni, mpe moto ya yambo ya kotelema uta na liwa na nzela ya Bosekwi (Kolos. 1:13–18). Basantu ya sembo bakokoma bandimi ya Eklezia ya Mobotami ya yambo na boseko (Mal&May 93:21–22).