Malongi mpe Mayokani

Bosangisi ya bimoniseli uta na Nzambe mpe maloba mafulami na Molimo. Nkolo apesaki oyo na Joseph Smith mpe ebele ya bakitani na ye mpo na botie mpe boyangeli ya bokonzi ya Nzambe likolo ya mabele na mikolo ya nsuka. Malongi mpe Mayokani ezali makomi minene ya makomi kati na Eklezia ya Yesu Klisto ya Basantu ba Mikolo mya Nsuka, elongo na Biblia, Buku ya Mormon, mpe Liyaka ya Ntalo Monene. Nzokande, Malongi mpe Mayokani ezali se moko mpo ezali te bobongoli boko ya mikanda ya kala; Nkolo apesaki bimoniseli oyo na baponi na Ye baprofeta na mikolo oyo ya sika mpo na kozongisa bokonzi na Ye. Kati na bimoniseli yango moto na moto akoyoka mongongo na pete kasi na makasi ya Nkolo Yesu Klisto (Mal&May 18:35–36).

Mambi ya kala ya Profeta Joseph Smith elobi ete Malongi mpe Mayokani ezali moboko ya Eklezia na mikolo ya nsuka mpe ezali litomba mpo na mokili (Mal&May 70 moto). Bimoniseli kati na yango ebandaki mosala ya bolengeli nzela mpo na Boyei ya Mibale ya Nkolo, na bokokisami ya maloba nyonso baprofeta balobaki uta ebandeli ya mokili.