Smith, Joseph, Mwana

Profeta oyo aponamaki mpo na kozongisa Eklezia ya solo ya Yesu Klisto na mabele. Joseph Smith abotamaki na ekolo ya Vermont kati na Etazini ya Amerika mpe azalaka na bomoi uta mobu 1805 kino mobu 1844.

Na mobu 1820, Nzambe Tata mpe Yesu Klisto bamonanaki na Joseph, mpe ayekolaki ete moko te kati ya baeklezia na mabele ezalaki solo (JS—Mambi ya Kala 1:1–20). Nsima babimelaki ye na anjelu Moroni, oyo abimisaki esika ebombamaki bapalaki ya wolo oyo ezalaki na lisolo ya makomi ya bato ya kala na mokili ya Amerika (JS—Mambi ya Kala 1:29–54).

Joseph abongolaki bapalaki ya wolo mpe na mobu 1830 abimisaki yango na buku lokola Buku ya Mormon (JS—Mambi ya Kala 1:66–67, 75). Na mobu 1829, azwaki likoki ya bonganganzambe uta na Yoane Mobatisi mpe uta na Petelo, Yakobo, mpe Yoane (Mal&May 13; 27:12; 128:20; JS—Mambi ya Kala 1:68–70).

Lokola atindamaki na Nzambe, na mokolo ya 6, sanza ya minei ya mobu 1830, Joseph mpe basusu ebele babongisaki Eklezia ya Yesu Klisto oyo ezongisami (Mal&May 20:1–4). Na nse ya bokambi ya Joseph, Eklezia ekolaki na Kanada, Angeletele, mpe na ngambo moke na esti ya Etazini, mingi mingi na Ohio, Missouri, mpe na Illinois. Boniokwami bonene elandaki Joseph mpe Basantu epayi nyonso wapi bafandaki. Na mokolo ya 27, sanza ya motoba ya mobu 1844, Joseph mpe ndeko na ye ya mobali Hyrum bakufaki lokola bamartiru na Carthage, Illinois, na Etazini ya Amerika.