Bosekwi

Bosangani ya nzoto ya molimo na nzoto ya mosuni mpe mikuwa nsima ya kufa. Nsima ya bosekwi, molimo mpe nzoto ekokabwana soki moke te, mpe moto akokoma azanga kufa. Moto nyonso oyo abotami na mabele akosekwisama mpo ete Yesu Klisto alongaki liwa (1 Kol. 15:20–22).

Yesu Klisto azalaki moto ya yambo ya kosekwa likolo ya mabele oyo (Mis. 26:23; Kolos. 1:18; Emon. 1:5). Boyokani ya Sika epesaka bilembetele ya polele ete Yesu asekwaki na nzoto na Ye ya mosuni: lilita na Ye ezalaki mpamba, Aliaki mbisi ya mai na mafuta ya nzoi, Azalaki na nzoto ya mosuni mpe ya mikuwa, bato basimbaki Ye, mpe banjelu balobaki ete Asekwaki (Mal. 16:1–6; Luk. 24:1–12, 36–43; Yoan. 20:1–18). Emoniseli ya mikolo ya nsuka endimisi solo ya Bosekwi ya Yesu mpe ya bato nyonso (Alma 11:40–45; 40; 3 Nef. 11:1–17; Mal&May 76; Mose 7:62).

Bato nyonso bakosekwa te na nkembo se moko (1 Kol. 15:39–42; Mal&May 76:89–98), banso bakosekwa mpe te na ntango se moko (1 Kol. 15:22–23; Alma 40:8; Mal&May 76:64–65, 85; 88:96–102). Basantu mingi basekwaki nsima ya Bosekwi ya Klisto (Mat. 27:52). Basembo bakosekwisama liboso ya bato ya nkuna mpe bakobima na Bosekwi ya Yambo (1 Tes. 4:16); basumuki oyo bayambolaka te bakobima na bosekwi ya nsuka (Emon. 20:5–13; Mal&May 76:85).