Hizikiya

Mokonzi moko ya sembo ya ekolo Yuda kati na Boyokani ya Kala. Ayangelaki mibu ntuku mibale na libwa, na ntango oyo Yisaya azalaki profeta kati na Yuda (2 Mik. 18–20; 2 Nta. 29–32; Yis. 36–39). Yisaya asungaki ye na kobongisaka nyonso mibale eklezia mpe leta. Alongolaki losambo ya banzambe ya bikeko mpe azongisaki kotia misala ya tempelo. Bomoi ya Hizikiya eyeisamaki molai ya mibu zomi na mitano na nzela ya losambo mpe bondimi (2 Mik. 20:1–7). Eteni ya ebandeli ya boyangeli na ye ezalaki ya bofuluki, kasi botomboki na ye na mokonzi ya Asulia (2 Mik. 18:7) ebimisaki bitumba mibale ya bokamati mboka na Basula: ya yambo elimbolami na Yisaya 10:24–32, ya mibale na 2 Mikonzi 18:13–19:7. Na etumba ya mibale ya bokamati mboka, Yelusaleme ebikisamaki na anjelu ya Nkolo (2 Mik. 19:35).