Liyokani engebene na mibeko to boyokani kati na mobali mpe mwasi oyo lisali ete bazala mobali mpe mwasi. Nzambe akulisaki libala (Mal&May 49:15).
Liyokani ya sika mpe ya libela ya libala
Libala oyo esalemi na nse ya mobeko ya nsango malamu mpe bonganganzambe bosantu ezali mpo na bomoi ya kufa mpe boseko. Mibali mpe basi balongobani baye bakangami boye kati na tempelo kati na libala bakoki kokoba lokola mobali mpe mwasi elongo na bosekwi.
Libala kati na biyamba
Libala kati na mobali mpe mwasi ya biyamba mpe misala ya mangomba makeseni.
Libala na balongani ebele
Libala ya mobali moko na basi mibale to koleka baye bazali na bomoi. Epesami na mobeko mpo ete mobali kozala bobele na mwasi moko, longola se soki Nkolo na nzela ya emoniseli atindi lolenge losusu (Yako. 2:27–30). Na nzela ya emoniseli libala ya balongani ebele esalemaki na ntango ya Boyokani ya Kala mpe na mikolo ya ebandeli ya Eklezia oyo ezongisami na bokambami ya profeta oyo azalaki na bafungola ya bonganganzambe (Mal&May 132:34–40, 45). Ezali kosalema lisusu te kati na Eklezia (LiyBak 1); lelo, kozalaka na mwasi moko koleka ezali koyokana te na kozala mondimi kati na Eklezia ya Yesu Klisto ya Basantu ba Mikolo mya Nsuka.