Adama

Moto ya yambo oyo akelamaki likolo ya mabele.

Adama azali tata mpe nkoko ya libota ya bato nyonso likolo ya mabele. Bobuki mobeko na ye kati na Elanga ya Edene (Gen. 3; Mal&May 29:40–42; Mose 4) esalaki ete “akweya” mpe akoma moto ya kufa, eteni yoko ya ntina mingi mpo ete bato nyonso bakende liboso likolo ya mabele oyo (2 Nef. 2:14–29; Alma 12:21–26). Adama na Eva basengeli boye kokumisama mpo na mokumba na bango ya kosalaka ete bokoli na biso ya seko ekoka kosalema. Adama azali Mokolo ya Mikolo mpe ayebani lisusu lokola Mikaele (Dan. 7; Mal&May 27:11; 107:53–54; 116; 138:38). Azali anjelu monene (Mal&May 107:54) mpe akoya lisusu na mabele lokola nkoko ya libota ya bato (Mal&May 116).

Nzambe akelaki moto na elilingi na ye moko, Gen. 1:26–28 (Mose 2:26–28; Abal. 4:26–28).
Nzambe apesaki moto mpifo likolo ya biloko nyonso mpe atindaki ye kobota mingi mpe kotondisa mabele, Gen. 1:28–31 (Mose 2:28–31; Abal. 4:28–31).
Nzambe atiaki Adama mpe Eva na Elanga ya Edene mpe apekisaki bango kolia mbuma ya nzete ya boyebi bolamu mpe mabe, Gen. 2:7–9, 15–17 (Mose 3:7–9, 15–17; Abal. 5:7–13).
Adama apesaki nkombo na bikelamo nyonso, Gen. 2:19–20 (Mose 3:19–20; Abal. 5:20–21).
Adama mpe Eva babalisamaki na Nzambe, Gen. 2:18–25 (Mose 3:18–25; Abal. 5:14–21).
Adama mpe Eva bamekamaki na Satana, baliaki mbuma epekisami, mpe babwakamaki libanda ya Elanga ya Edene, Gen. 3 (Mose 4).
Adama azalaki na mibu 930 ntango akufaki, Gen. 5:5 (Mose 6:12).