Bobongwani
Bozali ya bato baye babongwami mpo na ntango moko na bomonani mpe lolenge ya ye—elingi koloba, batombwami na motuya ya molimo ya likolo—ete bakoka kotia molende na miso mpe nkembo ya bazalani ya lola.
Bobongwani ya Klisto
Petelo, Yakobo, mpe Yoane bamonaki Nkolo akembelami mpe abongwami liboso na bango. Mobikisi alakaki liboso ete Petelo akozwa bafungola ya bokonzi ya lola (Mat. 16:13–19; 17:1–9; Mal. 9:2–10; Luk. 9:28–36; 2 Pet. 1:16–18). Na likambo monene oyo, Mobikisi, Mose, mpe Eliyasi (Eliya) apesaki bafungola oyo elakelamaki na Petelo, Yakobo, mpe Yoane. Na bafungola ya bonganganzambe oyo, Bapostolo bazwaki nguya ya kokoba mosala ya bokonzi nsima ya Bobuti ya Yesu.
Joseph Smith alakisaki ete na Ngomba ya Bobongwani, Petelo, Yakobo, mpe Yoane babongwanaki lisusu. Bamonaki limoni ya mabele lokola makomonana na bozali bokembelami ya mango boye bokoya (Mal&May 63:20–21). Bamonaki Mose mpe Eliya, bazalani babongwana mibale, mpe bayokaki mongongo ya Tata. Tata alobaki, “Oyo azali Mwana molingami na ngai, nasepeli mingi na ye; boyoka ye” (Mat. 17:5).