Mose

Profeta ya Boyokani ya Kala oyo akambaki Bayisalaele uta na boumbu ya Ejipito mpe apesaki bango liboke ya mibeko ya eyamba, mitali kozala na lingomba ya bato, mpe bilei lokola mibimisamaki na Nzambe.

Mosala ya Mose motandaki koleka ndelo ya ntango ya bomoi na ye ya kufa. Joseph Smith ateyaki ete, elongo na Eliya, ayaki na Ngomba ya Bobongolami mpe bapesaki bafungola ya bonganganzambe likolo ya Petelo, Yakobo, mpe Yoane (Mat. 17:3–4; Mal. 9:4–9; Luk. 9:30; Mal&May 63:21).

Mose amonanaki na Joseph Smith mpe Oliver Cowdery mokolo ya 3, sanza ya minei ya mobu 1836, kati na tempelo ya Kirtland, Ohio, mpe apesaki likolo na bango bafungola ya bosangisi ya Yisalaele (Mal&May 110:11).

Emoniseli ya mikolo ya nsuka elobi mingi na ntina ya Mose. Atangami mbala na mbala kati na Buku ya Mormon, mpe uta na Malongi mpe Mayokani toyekoli mpo na oyo etali mosala na ye (Mal&May 84:20–26) mpe ete azwaki bonganganzambe uta na tata bokilo na ye Yetelo (Mal&May 84:6).

Emoniseli ya mikolo ya nsuka ezali lisusu kondima lisolo ya Biblia ya mosala na ye na kati ya bana ya Yisalaele mpe ezali lisusu kondima ete azalaki mokomi ya buku mitano oyo ebandi Boyokani ya Kala (1 Nef. 5:11; Mose 1:40–41).

Buku ya Mose

Buku oyo kati na Liyaka ya Ntalo Monene ezali na bobongoli bofulami ya mikapo sambo ya yambo ya Genese na Joseph Smith.

Mokapo 1 ezali kokundola limoni moko kati na oyo Mose amonaki Nzambe, oyo abimisaki epayi na ye mwango mobimba ya lobiko. Mikapo 2–5 ezali lisolo ya Bokeli mpe Bokwei ya moto. Mikapo 6–7 ezali na limoni na ntina ya Enoka mpe mosala na ye likolo ya mabele. Mokapo 8 ezali na limoni na ntina ya Noa mpe Mpela monene.

Buku mitano ya Mose

Buku mitano ya yambo ya Boyokani ya Kala eyebani lokola babuku ya Mose. Bapalaki ya motako oyo Nefi akamataki uta na Labana ezalaki na babuku yango ya Mose (1 Nef. 5:11).