Lifelo

Emoniseli ya mikolo ya nsuka ezali kolobela lifelo na moke na ndimbola mibale. Yambo ezali efandeli kati na mokili ya molimo mpo na baye bazangaki botosi na bomoi ya kufa. Na ndimbola oyo lifelo ezali na nsuka. Kuna milimo mikoteyama nsango malamu, mpe ntango mosusu nsima ya boyamboli na bango bakosekwisama na motuya moko ya nkembo oyo wapi balongobani na yango. Baye bakoyambola te, kasi nzokande bazali te bana ya liboma, bakotikala na lifelo kino nkoto ya mibu. Nsima ya mibu nkoto oyo ya minioko, bakosekwisama na nkembo ya telesitiale (Mal&May 76:81–86; 88:100–101).

Ya mibale, ezali esika ya ntango nyonso mpo na baye basikolami te na Bomikabi ya Yesu Klisto. Na ndimbola oyo, lifelo ezali esika ya ntango nyonso. Ezali mpo na baye bakozwama se “kotikalaka kati na bosoto” (Mal&May 88:35, 102). Oyo ezali esika wapi Satana, banjelu na ye, mpe bana mibali ya ebomi—baoyo bawanganaki Mwana nsima ete Tata abimisa Ye—bakofanda seko (Mal&May 76:43–46).

Mbala mosusu makomi ezali kotangela lifelo lokola molili ya libanda.

Esika ezali elengelemi, iyo, kutu lifelo lina ya kobangisa, 1 Nef. 15:35.
Bolingi ya mosuni bopesaka molimo ya zabulu nguya ya kokitisa biso na lifelo, 2 Nef. 2:29.
Klisto alengelaki nzela mpo na bokangoli na biso uta na liwa mpe lifelo, 2 Nef. 9:10–12.
Baye batikalaka na bosoto bakokende kati na monioko ya libela, 2 Nef. 9:16.
Zabulu akokosa milimo na bango mpe akokamba na bokebi mosika na nse ya lifelo, 2 Nef. 28:21.
Yesu abikisaki molimo na ngai uta na lifelo, 2 Nef. 33:6.
Bokangolama bino moko uta na bolozi ya lifelo, Yako. 3:11.
Kokangema na zabulu mpe komemama na bolingi na ye na nse ya bobebisami ezali miniololo ya lifelo, Alma 12:11.
Bato ya nkuna babwakami kati na molili ya libanda kino ntango ya bosekwi na bango, Alma 40:13–14.
Bato ya bosoto balingaki kozala babola mingi na kofandaka elongo na Nzambe koleka kofanda kati na lifelo, Morm. 9:4.