Buku ya Mormon

Yango wana, oyo ezali bokuse ya lisolo ya makomi ya bato ya Nefi, mpe lisusu ya Balamani—Ekomami mpo na Balamani, oyo bazali montika ya ndako ya Yisalaele; mpe lisusu mpo na Moyuda mpe Moyuda-te—Ekomami lokola motindo, mpe lisusu na molimo ya masakoli mpe emoniseli—Ekomami mpe ekangemi, mpe ebombami epayi ya Nkolo, ete ebebisama te—Bokuse oyo esengeli kobima na likabo mpe nguya uta na Nzambe mpo na bolimboli na yango—Ekangemi na loboko ya Moroni, mpe ebombami epayi ya Nkolo, mpo na kobima na ntango esengeli na nzela ya oyo azali Moyuda-te—Bolimboli na yango ekosalema na likabo ya Nzambe.

Bokuse oyo ezwami uta na Buku ya Etele mpe lokola, oyo ezali lisolo ya makomi ya bato ya Yelede, baoyo bapanzanaki na ntango Nkolo abulunganisaki lokota ya bato, ntango bazalaki kotonga linongi mpo na kokoma na lola—Oyo ezali mpo na kolakisa epayi ya montika ya ndako ya Yisalaele makambo minene kani Nkolo asalaki mpo na batata na bango; mpe ete bakoka koyeba mayokani ya Nkolo, ete babwakami mosika libela te—Mpe lisusu mpo na kondimisa Moyuda mpe oyo azali Moyuda-te ete Yesu azali Klisto, Nzambe ya Seko, oyo amimonisaka epayi na bikolo nyonso—Mpe sikawa, soki ezali na mabunga, ezali mabunga ya bato; yango wana, kokitisa makambo ya Nzambe te, ete bakoka kokuta yo na mbindo te liboso ya kiti ya bosambisi ya Klisto.